એક્ઝિટ પોલ / પહેલી વાર આ રાજ્યમાંથી કોંગ્રેસ માટે આવી ખુશખબર, સરકાર બનાવવાની નજીક, ભાજપના સુપડા સાફ

• તેલંગાણાના એક્ઝિટ પોલમાં કોંગ્રેસ સરકારનું અનુમાન
• કોંગ્રેસને 49-59 બેઠકો મળવાનું અનુમાન 
• સત્તાધારી પાર્ટી બીઆરએસ ઝટકો, ભાજપના સુપડા સાફ 

તેલંગાણામાં 30 નવેમ્બરે મતદાન થયું હતું, જ્યારે બાકીના ચાર રાજ્યોમાં મતદાન યોજાયું છે. મધ્ય પ્રદેશ, રાજસ્થાન, તેલંગાણા, છત્તીસગઢ અને મિઝોરમનું અંતિમ પરિણામ 3 ડિસેમ્બર, રવિવારે જાહેર થશે. મધ્ય પ્રદેશ, રાજસ્થાન અને છત્તીસગઢમાં ભારતીય જનતા પાર્ટી (ભાજપ) અને કોંગ્રેસ વચ્ચે આમને-સામને થશે, જ્યારે તેલંગાણા અને મિઝોરમમાં પ્રાદેશિક પક્ષોનો દબદબો રહેશે. આવો જાણીએ તેલંગાણાની સ્થિતિ.

તેલંગાણામાં પહેલી વાર કોંગ્રેસની સરકાર આવે તો નવાઈ નહીં
તેલંગાણામાં પહેલી વાર કોંગ્રેસની સરકાર આવે તો નવાઈ નહીં. એક્ઝિટ પોલમાં કોંગ્રસનો હાથ ઉપર દેખાઈ રહ્યો છે. તેલંગાણાની શાસક પાર્ટી બીઆરએસ અને કોંગ્રેસ વચ્ચે સખત લડત ચાલી રહી છે. બીઆરએસ સતત ત્રીજી ટર્મ માટે સત્તા પર આવવાનું લક્ષ્ય રાખી રહી છે ત્યારે કોંગ્રેસને તે રાજ્યમાં પહેલી સરકાર બનાવવાનો વિશ્વાસ છે. બીઆરએસ તમામ 119 બેઠકો પર પોતાના દમ પર ચૂંટણી લડી રહી છે. કોંગ્રેસે પોતાના સહયોગી કોમ્યુનિસ્ટ પાર્ટી ઓફ ઈન્ડિયા (સીપીઆઈ) માટે એક સીટ છોડી દીધી છે. ભાજપ મેદાનમાં ત્રીજો મોટો દાવેદાર છે અને તે સત્તા વિરોધી મતો પર કાપ મૂકીને પરિણામને પ્રભાવિત કરી શકે છે. ભાજપે 119 બેઠકો પર ઉમેદવારો ઉભા રાખ્યા છે અને બાકીની આઠ બેઠકો અભિનેતા-રાજકારણી પવન કલ્યાણની આગેવાની હેઠળની તેની સહયોગી જનસેના પાર્ટી (જેએસપી) પર છોડી દીધી છે.

તેલંગાણામાં કોને કેટલી બેઠકો 
તેલંગાણા માટે મોટા ભાગના એક્ઝિટ પોલમાં કોંગ્રેસ સરકારને સત્તા મળવાનું અનુમાન કરાયું છે. ટીવી9 એક્ઝિટ પોલ તેલંગાણામાં કોંગ્રેસને 49-59, બીઆરએસ: 48-58, ભાજપ: 5-10, અન્ય: 6-8

તેલંગાણા માટે ન્યૂઝ 18નો એક્ઝિટ પોલ
તેલંગાણા માટે ન્યૂઝ 18 સીએનએન એક્ઝિટ પોલમાં પણ કોંગ્રેસને આગળ બતાવવામાં આવી છે. સીએનએનના એક્ઝિટ પોલમાં તેલંગાણામાં ત્રિશંકુ વિધાનસભાની આગાહી કરવામાં આવી હતી, જેમાં કોંગ્રેસને 56 અને બીઆરએસને 48 બેઠકો મળવાનું અનુમાન કરાયું છે. 

બીઆરએસ: 48
કોંગ્રેસ: 56 બેઠકો
ભાજપ: 10
એમઆઈએમ: 5