રાજનીતિ / ભરતસિંહ સોલંકીએ ફરી ફેરવી તોડ્યું, કહ્યું કોંગ્રેસ AAP સાથે ગઠબંધન નહીં કરે, તેમના કાર્યકરો અબજો પતિ છે

આમ આદમી પાર્ટી સાથે ગઠબંધન મામલે ભરતસિંહનું નિવેદન 
"કોંગ્રેસની વિચારધારા સાથે આપના કોઈ કાર્યકર જોડાય તેની વાત હતી"
"આમ આદમી પાર્ટીના બધા કાર્યકરો અબજો પતિ છે"

ગુજરાત વિધાનસભાની ચૂંટણીની તારીખ જાહેર થઈ ગઈ છે ત્યારે  ભાજપ-કોંગ્રેસ અને આપ પણ મેદાને ઉતર્યા છે. ગુજરાત વિધાનસભાની ચૂંટણીને રાજકીય પક્ષોની ગતિવિધીઓ તેજ થઈ છે. ત્રણય પક્ષો રાજકીય દંગલ ખેલી રહ્યાં છે.  ભાજપ, કોંગ્રેસ અને આમ આદમી પાર્ટી ત્રણય પાર્ટીઓએ કમર કસી રહ્યાં છે. બેઠકોથી લઈ જનસભાઓની ધમધમાટની ધૂંણી પણ ધપાવી રહ્યાં છે. આ બધાની વચ્ચે મહેસાણામાં કોંગ્રેસની પરિવર્તન યાત્રામાં ભરત સિંહ સોલંકીનું નિવદેન સામે આવ્યું છે. જેમાં પોતે આમ આદમી પાર્ટી સાથેના ગઠબંધનની વાતને નકારી છે. તેમણે આમ આદમી પાર્ટી સાથે ગઠબંધનની વાત નકારી અને આપ પર તીખા પ્રહાર કર્યો છે. ભરતસિંહે આપેલા નિવેદનને આજે બે જ દિવસમાં નકારી કાઢ્યો છે.

ભરતસિંહ સોલંકીનુ નિવેદન 
વિધાનસભાની ચૂંટણી નજીક આવતા રાજકીય માહોલ ગરમાયો છે.  મહેસાણામાં કોંગ્રેસની પરિવર્તન યાત્રામાં ભરતસિંહ સોલંકીનુ નિવેદન સામે આવ્યું છે. તેમણે કહ્યું કે, સરકાર બનાવવી હોય તો બહુમતી જોઈએ અને આમ આદમી પાર્ટી ખાતું નહી ખૂલે અને મુખ્યમંત્રીના નામ જાહેર કરે છે.  તેમણે કહ્યું કે, કોંગ્રેસની જીત નક્કી છે અને અમે જ સરકાર બનાવીશું. 

AAP સાથે ગઠબંધન મામલે ભરતસિંહના પ્રહાર
આમ આદમી પાર્ટી સાથે ગઠબંધન મામલે ભરતસિંહનું નિવેદન સામે આવ્યું જેમા તેમણે જણાવ્યું કે,  આમ આદમી પાર્ટીના બધા કાર્યકરો અબજો પતિ છે. તેમણે કહ્યું કે, કોંગ્રેસની વિચારધારા સાથે આપના કોઈ કાર્યકર જોડાય તો આવકારીશું તે વાત હતી. તેમણે કહ્યું કે, કોંગ્રેસ આમ આદમી પાર્ટી સાથે કોઈ ગઠબંધન નહીં કરે. બેચરાજી ધારાસભ્યના વિરોધમાં બેનર લાગવા મુદ્દે નિવેદન તેમણે જણાવ્યું હતું કે,  ભાજપ અથવા બીજી પાર્ટી આવા કામ કરી શકે છે તેમણે કહ્યું કે, આક્ષેપો કરવાની આવડત ભાજપ પાસે જ છે.

2 નવેમ્બરે ગઠબંધનની વાત કરી હતી
કોંગ્રેસની રાધનપુરમાં પરિવર્તન યાત્રામાં કોંગ્રેસના નેતા ભરત સિંહ સોલંકીનું મોટું નિવેદન સામે આવ્યું હતું જેમાં આમ આદમી પાર્ટી અમને ટેકો આપે તો અમે ટેકો લેવા તૈયાર તેમ ભરત સોલંકીએ જણાવ્યું છે. રાધનપુરમાં કોંગ્રેસની પરિવર્તન સંકલ્પ યાત્રામાં ભરતસિંહ આ નિવેદન આપ્યું હતું.