વડોદરા / 'ડેરીમાં શાંતિથી કામ થાય તેવું વાતાવરણ નથી, હું પદની આહુતિ આપું છું', બરોડા ડેરીના કાર્યકારી ચેરમેને આપ્યું રાજીનામું

Kishor

Last Updated: 09:24 PM, 22 February 2023

FOLLOW ON

શેર કરો

બરોડા ડેરીના વિવાદને લઇને મહત્વના સમાચાર સામે આવી રહ્યા છે. જેમાં બરોડા ડેરીના કાર્યકારી ચેરમેને રાજીનામું ધરી દેતા મુદ્દો ગાજી રહ્યો છે. આ દરમિયાન તેમણે ડેરી તંત્ર વિરુદ્ધ આકરા આરોપ પણ લગાવ્યા હતા.

બરોડા ડેરીના કાર્યકારી ચેરમેન જી.બી.સોલંકીએ આપ્યું રાજીનામુ
કોઇના દબાણ વગર આપ્યું રાજીનામુ : જી.બી.સોલંકી
ડેરીમાં શાંતિથી કામ થાય તેવું વાતાવરણ ન હોવાનો આરોપ

છેલ્લા કેટલાક દિવસથી બરોડા ડેરીનો વિવાદ ચાલી રહ્યો છે. જેમાં ડેરીના વહીવટને લઈને ધારાસભ્ય દ્વારા અનેક પ્રકારના આરોપ લગાવવામાં આવ્યા હતા. તેની વચ્ચે આજે બરોડા ડેરીના કાર્યકારી ચેરમેન જી.બી.સોલંકીએ રાજીનામું આપી દીધું છે.બરોડા ડેરીના કાર્યકારી ચેરમેન જી.બી.સોલંકીએ કે કોઈ પણ પ્રકારના દબાણ વગર રાજીનામુ આપ્યાનો દાવો કર્યો છે. આ ઉપરાંત મીડિયા સાથેની વાતચીતમાં તેમણે વધુમાં જણાવ્યું હતું કે, ડેરીમાં શાંતિથી હવે કામ થઈ તેવું વાતાવરણ ના હોવાથી રાજીનામુ આપ્યું છે. સાથે સાથે કોઇ ધારાસભ્યો કે જવાબદારોનું રાજીનામુ આપવા માટે દબાણ ન હોવાનું પણ ડેરીના કાર્યકારી ચેરમેને જણાવ્યું હતું.

બરોડા ડેરી સામે ભ્રષ્ટાચારના આરોપસર એક નહીં 5 ધારાસભ્યોનું રણશિંગુ!, 17મી ફેબ્રુઆરીનો દિવસ નક્કી કરાયો | Corruption allegation case against Baroda Dairy

ધારાસભ્ય કેતન ઇનમદારએ કહ્યું..

તો આ મુદ્દે MLA કેતન ઇનામદારનું નિવેદન સામે આવ્યું છે જેમાં તેમણે કહ્યું કે આગામી દિવસમાં યોગ્ય નિર્ણય લેવાશે અને થોડા દિવસ પૂરતી લડત બંધ રાખો, ડેરીમાં પશુપાલકના હીતની વાત થશે તેવી ખાતરી આપી હતી. વધુમાં તેમણે કહ્યું કે આગામી દિવસમાં ભૂતકાળમાં સારા નિર્ણય થયા એવા નિર્ણય કરવામાં આવશે. કેતન ઇનમદારએ કહ્યું કે રાજકીય બાબત અલગ છે. આ મુદ્દે મારું કોઈ વ્યક્તિગત હિત નથી એટલું જ નહીં મારે ડેરીમાં પણ જવાનું નથી પરંતુ પશુપાલકના હિતની વાત ચોક્કસ કરીશ. ઉપરાંત નવું બોર્ડના બેસે ત્યાં સુધી આંદોલનની કોઈ વાત નથી. તેમ આંતમાં કહ્યું હતું.

શુ છે સમગ્ર મામલો ?

બરોડા ડેરી પર ભ્રષ્ટાચારના આક્ષેપ લાગી રહ્યા છે. જેમા થોડા સમય અગાઉ સાવલીના ધારાસભ્ય કેતન ઈમાનદારે ડેરીના વહીવટ અંગે પોતાના લેટરપેડ ઉપર નામ જોગ રજૂઆત કરી તપાસની માંગ ઉઠાવી હતી. જેમાં તેમણે કહ્યું હતું કે, ડેરીના વહીવટદારોએ સત્તાનો દુરુપયોગ કરી પોતાના ભત્રીજા, ભાણેજ સહિતનાઓને નોકરીએ લગાડી દીધાના કિસ્સાઓ ધ્યાને આવ્યા છે. તેમણે કુલ 19 મુદ્દાને લઈને લેખિત રજૂઆત કરી ગંભીર આક્ષેપો કર્યા હતા.

કેતન ઈનામદારે અગાઉ શું આક્ષેપ કર્યા હતા?