તાણખેંચ / સીએમ પદ માટે શરુ થયો ખટરાગ,રાહુલ ગાંધીના નજીક નેતાએ પણ માન્યું,કર્ણાટકમાં હજુ સમય લાગી જશે.

• કર્ણાટકમાં કોંગ્રેસને જે વાતનો ડર હતો તે જ થવા જઈ રહ્યું 
• મુખ્યમંત્રી પદ માટે ડીકે શિવકુમાર અને સિદ્ધારમૈયા વચ્ચે તાણખેંચ
• કોંગ્રેસ માટે લોઢાના ચણા ચાવવા બરાબર નિણર્ય

કર્ણાટક વિધાનસભાની ચૂંટણીમાં કોંગ્રેસે જબરદસ્ત જીત હાંસલ કરી છે. પરંતુ કોંગ્રેસને જે વાતનો ડર હતો તે જ થવા જઈ રહ્યું છે. કારણ કે કોંગ્રેસ પાર્ટીના કદાવર નેતા ડીકે શિવકુમાર અને સિદ્ધારમૈયા મુખ્યમંત્રી પદની રેસમાં આગળ છે જે બંને આ મામલે આમને સામને આવી ગયા છે અને બંને વચ્ચે ખટરાગ જોવા મળી રહ્યો છે. ત્યારે દેશની સૌથી જૂની પાર્ટી માટે આ મામલે નિર્ણય કરવો લોઢાના ચણા ચાવવા બરાબર સાબિત થશે.  કોંગ્રેસ પક્ષના વરિષ્ઠ નેતા અને રાહુલ ગાંધીના નજીકના ગણાતા કેસી વેણુગોપાલના નિવેદનો પરથી આ સંકેત મળી રહ્યા છે. કર્ણાટકના મુખ્યમંત્રી કોણ હશે? તેવા સવાલના જવાબમાં તેઓએ કહ્યું કે આ માટે થોડો સમય લાગશે. પરંતુ અમે ડીકે શિવકુમાર અને સિદ્ધારમૈયા સાથે વાતચીત કરી આ મડાગાંઠ ઉકેલી નાંખશું ! બનેં દિલથી કોંગ્રેસી જ છે.

#WATCH | Supporters of senior Congress leader Siddaramaiah put up a poster outside Siddaramaiah's residence in Bengaluru, referring to him as "the next CM of Karnataka." pic.twitter.com/GDLIAQFbjs

— ANI (@ANI) May 14, 2023

આજે ધારાસભ્ય દળની બેઠક યોજાશે

બીજી તરફ કદાવર નેતાની આ લડાઈ વચ્ચે મલ્લિકાર્જુન ખડગે કર્ણાટકના મુખ્યમંત્રી બનવાની અટકળોને અટકળો મામલે તેમણે ફોડ પાડ્યો છે અને 'ખડગેનો કોઈ પ્રશ્ન જ નથી.  તેમ કરી અફવા ઉપર ધ્યાન ન આપવા જણાવ્યું હતું.તો આજે ધારાસભ્ય દળની બેઠક યોજાશે જેમાં મુખ્યમંત્રી પદ માટેના દાવેદારના નામ પર મંજૂરીની મહોર લગાવવામાં આવે તેવુ સૂત્રો પાસેથી જાણવા મળી રહ્યું છે. હાઈકમાન્ડે જ મુખ્યમંત્રીની પસંદગી કરવી જોઈએ.તેવું પણ કહેવામા આવી રહ્યું છે.

#WATCH | Karnataka Congress President DK Shivakumar's supporters put up a poster outside his residence in Bengaluru, demanding DK Shivakumar to be declared as "CM" of the state. pic.twitter.com/N6hFXSntJy

— ANI (@ANI) May 14, 2023

સિદ્ધારમૈયા મલ્લિકાર્જુન ખડગેના ઘરે પહોંચ્યા

મુખ્યમંત્રી પદના વિવાદ વચ્ચે સિદ્ધારમૈયા મલ્લિકાર્જુન ખડગેના ઘરે પહોંચ્યા અને તેમને મળ્યા હતા. જેને લઈને પણ આફવાનું બજાર ગરમ થયું હતું પરંતુ બેઠક શુભેચ્છા મુલાકાત હોવાનું જણાવી ખડગેના પુત્ર અને કોંગ્રેસના ધારાસભ્ય પ્રિયંકએ અટકળો પર પૂર્ણવિરામ મૂક્યું છે.સીએલપીની બેઠકમાં સીએમ પદ માટે અંતિમ નિર્ણય લેવામાં આવશે. તેવું કહ્યું હતું.

કર્ણાટકના મુખ્યમંત્રી કોણ ડીકે શિવકુમાર કે સિદ્ધારમૈયા તે મામલે સાંજે યોજાનારી મિટિંગમાં સ્પષ્ટ કરી દેવામાં આવી શકે છે. પરંતુ આ અગાઉ 
સિદ્ધારમૈયા એક્ટિવ થયા છે અને પોતાના વિશ્વાસપાત્ર ધારાસભ્યો સાથે અલગથી મીટીંગ કરી હતી. આ મિટિંગમાં દિનેશ ગુડુ રાવ, એમએન પાતાલા, બેથરી સુરેશ સહિતના અનેક ધારાસભ્યો જોડાયા હતા.