સર્વે / એક દેશ.. એક ચૂંટણી'થી NDA કે I.N.D.I.A? લોકસભા ચૂંટણીમાં કોને થશે ફાયદો? સર્વેના આંકડા ચકિત કરી મૂકે તેવા

• દેશમાં 'વન નેશન વન ઇલેક્શન'ની જોરશોરથી ચર્ચા 
• કેન્દ્ર સરકાર દ્વારા એક ઉચ્ચ સ્તરીય સમિતિની રચના કરવામાં
• જુઓ સી વોટર દ્વારા એબીપી ન્યૂઝ સાથે કરાયેલા સર્વેમાં શુ આવ્યું પરિણામ

હાલ દેશમાં 'વન નેશન વન ઇલેક્શન'ની જોરશોરથી ચર્ચા ચાલી રહી છે. તેવામાં 'વન નેશન વન ઇલેક્શન'ની એટલે કે લોકસભા, વિધાનસભા સહિત નગરપાલિકાઓ અને પંચાયતો એમ તમામ ચૂંટણીઓ એક સાથે યોજવાની શક્યતાને પગલે કેન્દ્ર સરકાર દ્વારા એક ઉચ્ચ સ્તરીય સમિતિની રચના કરવામાં આવી છે. જેમાં આઠ સભ્યોની નિમણૂક કરાય છે અને આ સમિતિ પૂર્વ રાષ્ટ્રપતિ રામનાથ કોવિંદની અધ્યક્ષતા હેઠળ કામ કરશે. આ સમિતિના ગઠનની સાથે જ દેશમાં એક રાષ્ટ્ર એક ચૂંટણીની ચર્ચાએ જોર પકડ્યું છે.

18 થી 22 સપ્ટેમ્બર સુધી સંસદનું વિશેષ સત્ર

બીજી બાજુ કોંગ્રેસ સહિતના ગઠબંધન વાળા I.N.D.I.A ના ઘણા પક્ષોએ આ વિચારને અટકાવવાની માંગ સાથે વિરોધ કર્યો હતો. આ વર્ષના અંતમાં પાંચ રાજ્યોમાં વિધાનસભાની ચૂંટણીઓનું આયોજન છે તથા આવતા વર્ષે લોકસભાની ચૂંટણી યોજાશે. આવી સ્થિતિ વચ્ચે સરકારે સમિતિની જાહેરાત કરી છે. જેને લઈને જાણકારોમાં એવી ચર્ચા જાગી છે કે હવે સરકાર ટૂંક સમયમાં 'વન નેશન વન ઇલેક્શન'નું બિલ લાવી શકે છે. સાથે સાથે 18 થી 22 સપ્ટેમ્બર સુધી સંસદનું વિશેષ સત્ર પણ બોલાવાયું છે. જેના એજન્ડા હજુ સરકાર દ્વારા બહાર પડાયા નથી. ત્યારે સી-વોટર દ્વારા એબીપી ન્યૂઝ માટે 'વન નેશન વન ઇલેક્શન' મુદ્દે ઓલ ઈન્ડિયામાં સર્વે હાથ ધરાયો હતો.

સૌથી વધુ ફાયદો કોને થશે?

જો 'વન નેશન, વન ઈલેક્શન' લાગુ કરવામાં આવે તો સૌથી વધુ ફાયદો કોને થશે? તેવા સવાલમાં 45 ટકા લોકોએ કહ્યું કે તમામ પક્ષોને આ નિર્ણયનો લાભ મળી શકે છે. તો 20 ટકા લોકોએ NDAના સમર્થનમાં અને 15 ટકા લોકોએ I.N.D.I.A ગઠબંધનના સમર્થનમાં સૂર પુરાવ્યો હતો. તો આ નો કોઈને લાભ નહિ મળે એવું પણ 9 ટકા લોકોએ કહ્યું છે. તો કઈ ન કહી શકાય તેમ 11 ટકા લોકોએ  કહ્યું છે.

'એક રાષ્ટ્ર, એક ચૂંટણી' લાગુ કરવાથી ફાયદો કોને થશે?

• એનડીએ - 20 ટકા
• I.N.D.I.A- 15 ટકા
• તમામ પક્ષો - 45 ટકા
• કોઈ નહીં - 9 ટકા
• કહીં ના શકાય - 11 ટકા

 'એક રાષ્ટ્ર, એક ચૂંટણી'ની અમલવારીથી I.N.D.I.A ગઠબંધન તૂટી જશે?

• હા- 29 ટકા
• ના- 45 ટકા
• કહીં ના શકાય- 26 ટકા