ફોટોશૂટ દરમિયાન અકસ્માત / ફોરેનમાં હનીમૂન, ફોટોશૂટ અને અચાનક જ મૃત્યુ... ભારતના ડૉક્ટર કપલ સાથે દર્દનાક દુર્ઘટના

• ચેન્નાઈના નવવિવાહિત ડૉક્ટર દંપતીનું ઈન્ડોનેશિયામાં અવસાન થયું
• નવવિવાહિત કપલ ​​ઇન્ડોનેશિયાના બાલી ટાપુ પર હનીમૂન પર ગયા હતા
• સ્પીડ બોટમાં ફોટોશૂટ દરમિયાન સંતુલન ગુમાવતાં બંને ડૂબી ગયા હતા

ઈન્ડોનેશિયાના બાલી ટાપુ પર હનીમૂન ટ્રિપ પર ગયેલા તમિલનાડુના એક યુવક દંપતીનું ડૂબી જવાથી કરૂણ મોત થયું છે. તમિલનાડુના સાલેમ જિલ્લાના ડોક્ટર લોકેશ્વરન અને પુવરિંદા વલ્લીની વિબુષ્ણીના લગ્ન ચેન્નાઈના પૂંટામલ્લી ખાતે 1 જૂનના રોજ થયા હતા.તેમના લગ્નના એક અઠવાડિયા પછી ચેન્નઈ સ્થિત એક ડૉક્ટર દંપતી શુક્રવારે બાલીમાં તેમના હનીમૂન પર હતા ત્યારે ડૂબી ગયા. વાસ્તવમાં નવવિવાહિત કપલ ​​સ્પીડ બોટ પર ફોટોશૂટ કરાવી રહ્યું હતું. આ દરમિયાન તેમણે સંતુલન ગુમાવ્યું અને ડૂબી ગયા. અકસ્માતના સમાચાર મળતા પરિવારમાં ગમગીની છવાઈ ગઈ હતી. ડોક્ટરના પરિવારજનો મૃતદેહને પરત લાવવા બાલી પહોંચી ગયા છે. મૃતકોની ઓળખ પૂનમલ્લીના લોકેશ્વરન અને વિબુષ્ણી તરીકે થઈ છે. બંનેએ 1 જૂનના રોજ લગ્ન કર્યા હતા.

પુંતમલ્લી સેનીરકુપ્પમ પાસે રહેતી સેલ્વમની પુત્રી વિબુષ્ણી (25) ડોક્ટર તરીકે કામ કરતી હતી. સાલેમ જિલ્લાના ડૉક્ટર વિબુષ્ણી અને લોકેશ્વરન પ્રેમમાં હતા. જ્યારે બંને ડોક્ટરોએ પરિવારને તેમના પ્રેમ વિશે જણાવ્યું તો તેઓ લગ્ન માટે રાજી થઈ ગયા. ત્યારબાદ 1 જૂનના રોજ વિબુષ્ણી અને લોકેશ્વરન પુનતમલ્લીમાં એક લગ્ન મંડપમાં ખૂબ ધામધૂમથી લગ્ન કર્યા.

કપલ હનીમૂન માટે બાલી ગયા હતા

દરમિયાન થોડા દિવસો પહેલા નવપરિણીત યુગલ તેમના હનીમૂન મનાવવા માટે ઇન્ડોનેશિયાના બાલી ગયા હતા. બીચ પર મોટર બોટમાં ફોટોશૂટ કરી રહ્યા હતા ત્યારે અચાનક સંતુલન ગુમાવવાથી બંને ડૂબી ગયા હતા. શુક્રવારે લોકેશ્વરનનો મૃતદેહ મળી આવ્યો હતો, જ્યારે વિબુષ્ણી મૃતદેહ શનિવારે સવારે મળી આવ્યો હતો.

પરિવારમાં આક્રંદ

આ અંગેની જાણ થતાં પરિવારજનો આક્રંદથી રડી પડ્યા હતા. પરિવાર હવે મૃતદેહોને ચેન્નાઈ પરત લાવવાની વ્યવસ્થા કરી રહ્યો છે. તેણે ઈન્ડોનેશિયામાં ભારતીય દૂતાવાસ દ્વારા તમિલનાડુ સરકાર અને કેન્દ્ર સરકાર પાસે મદદ માંગી છે. ઈન્ડોનેશિયાથી ચેન્નાઈની કોઈ સીધી ફ્લાઈટ ન હોવાથી મૃતદેહોને તમિલનાડુ પાછા લાવવામાં આવે તે પહેલાં મલેશિયા લઈ જવામાં આવશે.