પાટણ જિલ્લાના સરસ્વતી તાલુકાના ઉંદરા ગામમા માનવતાનુ અનોખુ ઉદાહરણ સામે આવ્યુ છે. પિતા તેમજ ભાઈ વગરની દીકરીને ઉંદરાના ગ્રામજનોએ વાજતે ગાજતે મામેરૂ ભર્યુ હતુ. કલ્યાણા ગામના સીતાબેને દીકરી શિલ્પાના લગ્ન પ્રસંગ હોવાથી ઉંદરા ગામના ક્ષેત્રપાળ દાદાના મંદિરમાં કંકોત્રી મોકલાવી મામેરૂ ભરવા અરજ કરી હતી.
પિતા-ભાઈ વગરની દીકરીનું ગ્રામજનોએ ભર્યું મામેરૂ
ઉંદરા ગામે કંકોત્રી આપવા જતા સીતાબેનને સાસરી પક્ષના લોકોએ મહેણું માર્યુ હતુ કે ઉંદરા ગામમા તારૂ કોણ છે કે જેઓ લગ્નમાં આવશે. તેથી સીતાબેને કંકોત્રી મોકલીને માત્ર શ્રીફળ લઈને મામેરૂ ભરી સાસરીયાનુ મહેણું ભાગવા વિનંતી કરી હતી. તેથી ગામની દીકરીનુ મહેણું ભાગવા ઉંદરા ગામ એક થઈને વાજતે ગાજતે મામેરૂ ભરવા ગયુ હતુ. ઉંદરા ગામના તમામ સમાજના લોકોએ એકસંપ થઈ 7.50 લાખ રૂપિયાનુ મામેરૂ ભરીને મહેણું ભાગ્યુ હતુ.
વાંચવા જેવું: કેવું રહેશે આગામી 5 દિવસનું વાતાવરણ, ગરમીના વાયરા વાયા, જુઓ હવામાન વિભાગની આગાહી
7.50 લાખ રૂપિયાનુ મામેરૂ ભર્યું
જેમાં ઉંદરા ગામના વાલ્મિકી સમાજના લોકો પણ ઢોલ સાથે મામેરામાં જોડાયા હતા. ભાઈ અને પિતા વગરની દીકરીને રૂપિયા સાડા સાત લાખનુ મામેરૂ ભરી ઉંદરા ગામના ગ્રામજનોએ સાસરી પક્ષના લોકોનુ મહેણું ભાગ્યુ હતુ. ચંદજી ઠાકોરે જણાવ્યું હતું કે, આ બહેનના પિતા કે અન્ય કોઈ પિયરમાં પરિજનો ન હોવાથી સમગ્ર ઉંદરા ગામના લોકોએ આ બેહનનું મામેરૂ ભર્યું છે. જેમાં રૂપિયા 7 લાખથી વધુની રકમ આપવામા આવી છે
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
