- કોમેડિયન તીર્થાનંદે કર્યો આપઘાતનો પ્રયાસ
- ધ કપિલ શર્મા શોમાં કોમેડિયન તરીકે કર્યું છે કામ
- આપઘાતના પ્રયાસ પાછળ મહિલાને ગણાવી જવાબદાર
ધ કપિલ શર્મા શોમાં કોમેડિયન તરીકે પોતાની કલાને પીરસતા જુનિયર એક્ટર તીર્થાનંદ ફેસબુક પર લાઈવ ફીનાઇલ ગટગટાવી રહ્યા હતા.આ મામલે ફેસબુક ફ્રેન્ડે તાત્કાલિક સ્થાનિક પોલીસને જાણ કરી દેતા પોલીસ મારતે ઘોડે દોડી ગઇ હતી. જ્યા પોલીસે મુંબઇના મીરા રોડ સ્થિત શાંતિ નગર સ્થિત B51 બિલ્ડિંગના ફ્લેટ નંબર 703 પર પહોંચી તીર્થાનંદને નજીકની હોસ્પિટલમાં સારવાર અર્થે ખસેડયો હતો. નોંધનીય છે કે તીર્થાનંદને ફિલ્મ ઈન્ડસ્ટ્રીમાં નાના પાટેકરના રૂપમાં ઓળખવામાં આવે છે.
મહિલાના ત્રાસથી કર્યો આપઘાતનો પ્રયાસ
આ મામલે પોલીસ સુત્રોમાંથી જાણવા મળતી વિગત અનુસાર પોલીસ જ્યારે તેના ઘરે પહોંચી ત્યારે ફ્લેટનો દરવાજો ખુલ્લો હતો અને રૂમમાં એક કૂતરો અવાજ કરતો હતો.આ દરમિયાન તીર્થાનંદ બેભાન અવસ્થામાં મળી આવ્યો હતો. જેથી પોલીસે પરિસ્થિતિ પારખી તેને તાબડતોબ સારવાર અપાવી હતી. આ વેળાએ પોલીસ નિવેદનમાં તેમને મહિલાને કસૂરવાર ગણાવી કહ્યું હતું કે થોડા મહિના પહેલા તે એક મહિલાને મળ્યા બાદ બને વચ્ચે પરિચય કેળવાયો હતો.
અગાઉ પણ આત્મહત્યાનો પ્રયાસ કરી લીધો હતો
સબંધમાં સામે આવ્યું કે તેને બે દીકરીઓ છે. સબંધ વધતા બન્ને લિવ-ઈનમાં રહેવા લાગ્યા હતા. જોકે આ સંબંધ દરમિયાન મહિલા દેહવ્યાપાય કરતી હોવાનું સામે આવતા તેનાથી છુટકારો મેળવવા માંગતો હતો. જોકે મહિલાએ લાજવાને બદલે ગાજી ધમકીઓ દેવાનુ શરૂ કર્યું હતું. એટલું જ નહીં કેસ પણ કરી દીધો હતો. જેના ડરને લીધે ઘરે આવવું પણ મુશ્કેલ બની ગયું છે અને બદનામીના ડરને લીધે ફૂટપાથ પર સુવાની નોબત પણ આવી હોવાનું તેને જણાવ્યું હતું. આમ કપરી સ્થિતિને પગલે પોતે મરી જવા માંગતો હોવાનું કહ્યું હતું. મહત્વનું છે કે આ અગાઉ 27 ડિસેમ્બર 2021માં પણ પોતે આત્મહત્યાનો પ્રયાસ કરી લીધો હતો.
