- ગુજરાતમાં આજે કોરોના વાયરસના નવા 260 કેસ નોંઘાયા
- રાજ્યમાં આજે એક્ટિવ કેસની સંખ્યા 2056 પર પહોંચી
- કોરોનાથી અમદાવાદ, રાજકોટ અને ભાવનગરમાં 1-1 દર્દીના મોત
ગુજરાતમાં ફરી કોરોનાએ માથું ઉચકયો હોય તેવી સ્થિતિ જન્મી રહી છે. કોરોના કેસમા વધઘટ જોવા મળી રહી છે. ગુજરાતમાં ફરી કોરોનાના રોજિંદા સંક્રમિત દર્દીઓનો સામાન્ય વધઘટ જોવા મળી રહ્યો છે. આજે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં કોરોનાના 260 પોઝીટિવ કેસ નોંધાયા છે.
રાજ્યમાં આજે ગઇકાલ કરતાં કોરોના કેસોમાં મોટો ઘટાડો થયો છે. રાજ્યમાં આજે કોરોનાના નવા 260 કેસ નોંધાયા છે. આજે સૌથી વઘુ અમદાવાદમાં 83 કેસ નોંઘાયા છે. આ સાથે એક્ટિવ કેસની સંખ્યા 2056 પર પહોંચી છે. આ તરફ કોરોનાથી અમદાવાદ, રાજકોટ અને ભાવનગરમાં 1-1 દર્દીના મોત થયા.
મહત્વનું છે કે, ગઈકાલે આરોગ્ય તંત્ર દ્વારા સત્તાવાર રીતે જાહેર કરાયેલી માહિતી મુજબ આજે રાજ્યમાં કોરોનાના 328 પોઝીટિવ કેસ નોંધાયા હતા. જોકે આજે મોટા ઘટાડા સાથે તે આંકડો 260 કેસ પર પહોંચ્યો છે.
કોરોનાના નવા 260 કેસ નોંધાયા
ગુજરાતમાં આજે કોરોનાના નવા 260 કેસ નોંધાયા છે. આજે સૌથી વઘુ અમદાવાદમાં 83 કેસ નોંઘાયા છે. આ સાથે વડોદરામાં 46, સુરતમાં 36, મોરબીમાં 21, મહેસાણામાં 10, રાજકોટમાં 9, ગાંઘીનગરમાં 8, વલસાડ અને ભરૂચમાં 6-6, કચ્છ અને મહિસાગરમાં 4-4, સાબરકાંઠા અને સુરેન્દ્રનગરમાં 4-4, બનાસકાંઠામાં 3 કેસ સામે આવ્યા છે. આ સાથે ભાવનગર અને જામનગરમાં 3-3, આણંદમાં 2, નવસારીમાં 2, અમરેલી અને દાહોદમાં 1-1, ગીર સોમનાથ, જૂનાગઢ, ખેડા અને પંચમહાલમાં 1-1 કોરોના કેસ નોંધાયા છે.
