ક્રિકેટ / VIDEO: મને ખૂબ દુ:ખ થયું, વિરાટ ભૈયાએ...: RCBએ 8 વર્ષ બાદ કાઢી મૂકતાં છલકાયું યુઝવેન્દ્ર ચહલનું દર્દ, જુઓ શું શું કહ્યું

• યુઝવેન્દ્ર ચહલે હાલ તેને તેની નિરાશા વિશે ખુલાસો કર્યો
• RCB એ 2022 IPL મેગા હરાજી પહેલા રિટેન ન કર્યો
• જે થયું તે સારા માટે થયું - યુઝવેન્દ્ર ચહલ

ભારતીય સ્પિનર ​યુઝવેન્દ્ર ચહલને ઓળખાણની જરૂર નથી પણ હાલ તેને તેની નિરાશા વિશે ખુલાસો કર્યો છે કારણ કે રોયલ ચેલેન્જર્સ બેંગ્લોર (RCB) એ તેને આઠ વર્ષ સુધી રમ્યા બાદ 2022 IPL મેગા હરાજી પહેલા તેને રિટેન નહતો કર્યો. યુઝવેન્દ્ર ચહલે એક વાતચિત દરમિયાન કહ્યું હતું કે, 'અલબત્ત મને ખૂબ દુઃખ થયું. મારી સફર આરસીબીથી શરૂ થઈ હતી. મેં તેની સાથે આઠ વર્ષ વિતાવ્યા. આરસીબીએ મને તક આપી અને તેના કારણે મને ઈન્ડિયા કેપ મળી. વિરાટ ભાઈએ પ્રથમ મેચથી જ મારામાં વિશ્વાસ દર્શાવ્યો હતો, પણ હવે ખરાબ લાગ્યું કારણ કે જ્યારે તમે ટીમમાં 8 વર્ષ વિતાવો છો ત્યારે તે લગભગ પરિવાર જેવું લાગે છે.

પૈસાને લઈને પણ વાત કરી 
યુઝવેન્દ્ર ચહલે આગળ કહ્યું, 'ઘણી અફવાઓ આવી, જેમ કે મેં મોટી રકમ માંગી હતી. મેં તે સમયે સ્પષ્ટતા કરી હતી કે આ પ્રકારનું કંઈ નથી. હું જાણું છું કે હું કેટલો હકદાર છું. મને ખરેખર દુઃખ એ હતું કે ત્યાં કોઈ ફોન કૉલ નહોતો, કોઈ પણ પ્રકારનો મેસેજ નહોતો. ઓછામાં ઓછી વાત તો કરો. મેં તેમના માટે 114 મેચ રમી છે. હરાજીમાં તેઓએ મને વચન આપ્યું હતું કે તેઓ મારા માટે શક્ય બધું કરશે. મેં કહ્યું, ઠીક છે. ત્યાં મારી પસંદગી ન થતાં હું ખૂબ ગુસ્સે થયો હતો. મેં તેને આઠ વર્ષ આપ્યા. ચિન્નાસ્વામી મારું પ્રિય મેદાન હતું. મેં RCBના કોચિંગ સ્ટાફ સાથે વાત કરી નથી.

Yuzvendra Chahal: “I felt really bad that there was no phone call or communication from RCB. At least have a talk. I played 114 matches for them. In auction, they promised to go all-out for me. When I wasn't picked, I was very angry. I gave them 8 years."pic.twitter.com/57i8G8bU3v

— Sameer Allana (@HitmanCricket) July 16, 2023

જે થયું તે સારા માટે થયું
યુઝવેન્દ્ર ચહલ આઇપીએલમાં 187 વિકેટ સાથે સૌથી વધુ વિકેટ લેનાર બોલર છે અને તેણે સ્વીકાર્યું કે રાજસ્થાન રોયલ્સમાં જવાથી તેના બોલર તરીકે સુધારો થયો કારણ કે તેણે ડેથ ઓવરોમાં બોલિંગ કરવાનું શરૂ કર્યું. 'મને ખ્યાલ છે કે હરાજી ખૂબ જ અણધારી જગ્યા છે,  તેથી, મેં એ હકીકત સાથે સમાધાન કર્યું કે જે થાય છે તે સારા માટે થાય છે. આરઆરમાં, મેં ડેથ ઓવરોમાં બોલિંગ કરવાનું શરૂ કર્યું. આરસીબીમાં ઘણીવાર મારો ક્વોટા 16 ઓવર પહેલા પૂરો થઈ જતો હતો. તેથી, મને લાગે છે કે હું રાજસ્થાન રોયલ્સમાં ક્રિકેટર તરીકે પણ આગળ વધ્યો છું. તેથી જે થયું તે સારા માટે થયું.'