પ્રતિબંધ / CM યોગી આદિત્યનાથનો મોટો નિર્ણય, હવે કેબિનેટમાં મંત્રી નહીં લઇ જઇ શકે મોબાઇલ

લખનઉઃ ઉત્તર પ્રદેશનાં મુખ્યમંત્રી યોગી આદિત્યનાથે શનિવારનાં રોજ એક મહત્વનો નિર્ણય કર્યો છે. સૂબાનાં મુખ્યમંત્રીએ આદેશ આપ્યો છે કે કેબિનેટ બેઠકો દરમ્યાન મંત્રીઓ મોબાઇલ ફોન નહીં લાવી શકે, એટલે કે કેબિનેટ બેઠક દરમ્યાન મંત્રીઓનાં મોબાઇલ ફોન લાવવા પર પ્રતિબંધ મૂકવામાં આવ્યો છે. સૂત્રો અનુસાર, સીએમ યોગીનો આ નિર્ણય ઇલેક્ટ્રોનિક ઉપકરણોની હેકિંગ અને જાસૂસીનાં ખતરાને ધ્યાનમાં રાખીને આ નિર્ણય કર્યો છે.

આ પહેલાં મંત્રીઓને મોબાઇલ ફોન લાવવાની અનુમતિ હતી. જો કે, તેને સ્વીચ ઓફ કરીને અથવા તો સાયલન્ટ અથવા તો એરપ્લેન મોડ પર રાખવાનો રહેતો હતો. ત્યારે મળતી જાણકારી અનુસાર, મંત્રીઓએ આપેલા આદેશમાં કહેવામાં આવ્યું કે, હવે કેબિનેટ બેઠક દરમ્યાન મંત્રીઓએ પોતાનો મોબાઇલ ફોન બહાર જમા કરાવવાનો રહેશે. સીએમ યોગી આદિત્યનાથ ઇચ્છે છે કે મંત્રીમંડળની બેઠકમાં થનારી સંપૂર્ણ ચર્ચા પૂર્ણ ગંભીરતા અને વગર કોઇ મુશ્કેલી હોય.

જણાવવામાં આવી રહ્યું છે કે બેઠકો દરમ્યાન આવનારા ફોનને જોતા તેઓએ આ નિર્ણય કર્યો છે. મોબાઇલ ફોન અચાનક જ વાગતા બેઠકમાં બેઠેલ દરેકનું ધ્યાન ભટકી જતું. એટલું જ નહીં પરંતુ આ બેઠક સમયે ફોન પર આવનાર મેસેજ વાંચવાથી સારો એવો મેસેજ નથી જતો.

નવી વ્યવસ્થામાં મંત્રીઓને કોઇ અસુવિધા ન થાય, તે માટે ટોકનની વ્યવસ્થા કરવામાં આવી. આની જવાબદારી સામાન્ય પ્રશાસન વિભાગને આપવામાં આવેલ છે. આ અંતર્ગત જ્યારે મંત્રી મંત્રીપરિષદ કક્ષમાં સીએમ દ્વારા બોલાવવામાં આવેલ બેઠકોમાં જશે તો તેઓ મોબાઇલ ફોન ટોકન લઇને બહાર જમા કરાવશે. બાદમાં ઓફિસ બહાર આવવા પર ટોકનનાં આધાર પર તેને પરત લઇ જઇ શકશે.