Auto / YAMAHAનું અનોખું થ્રી વ્હિલર સ્કૂટર, બે પૈડાં પાછળ નહીં પરંતુ આગળ

આમ તો YAMAHA કંપની સ્પોર્ટ્સ બાઈક્સ માટે જાણીતી છે. કંપનીએ એકથી એક ચઢિયાતા શાનદાર લૂક્સ ધરાવતી બાઈક્સ બજારમાં ઉતારી છે. પરંતુ આ વખતે કંપની કંઈક નવું કરવા જઈ રહી છે. કંપનીએ ત્રણ પૈડાંવાળી સ્કૂટર બજારમાં ઉતારવા જઈ રહી છે. આ સ્કૂટર ભીડમાં સૌથી અલગ દેખાઈ આવે છે. 

હકીકતમાં યામાહાએ ત્રણ પૈડાંવાળા સ્કૂટર એક અનોખું સ્કૂટર છે. કારણ કે આ ત્રણ પૈડાં ધરાવતા સ્કૂટરમાં ટુ વ્હીલ પાછળ નહીં પરંતુ આગળ છે. એટલે કે આ ખાસ સ્કૂટરમાં ત્રણ પૈડાં તો છે પરંતુ આગળ બે પૈડાં છે. YAMAHA એ આ થ્રી વ્હીલર સ્કૂટરનું નામ Tricity300 રાખ્યું છે. 

સ્કૂટર Tricity300માં ફ્રંટમાં બે પૈડા છે. કંપનીએ અર્બન મોબિલિટીને ધ્યાનમાં રાખીને ખાસ પ્રકારને ડિઝાઈન કર્યુ છે. ઉલ્લેખનીય છે કે કંપનીએ ટોક્યો મોટર શો 2019માં આ સ્કૂટરને શૉકેસ કર્યુ હતું. 

YAMAHA નું આ સ્કૂટર 3CTના કૉન્સેપ્ટ પર આધારિત છે. જો કે યામાહાએ તેના સ્પેસિફિકેશન્સ અને કિંમત વિશે કોઈ જાણકારી આપી નથી. આશા છે કે આવાત મહિને ઈટાલીના મિલાનમાં થનારા EICMA મોટર શોમાં તેના વિશે જાણકારી આપવામાં આવશે. જે ત્રણ કલર ઑપ્શનમાં ઉપલબ્ધ થશે. 

યામાહા ટ્રાઈસિટી 300 ભારતમાં લૉન્ચ થશે કે નહીં તેના વિશે પણ હજુ સુધી કોઈ જાણકારી સ્પષ્ટ થઈ નથી. Tricity 300ની સંપૂર્ણ માહિતી 4 નવેમ્બર સુધી માલૂમ પડી જશે જ્યારે તે યુરોપિયન માર્કેટમાં લૉન્ચ થશે. ખબરો એવી છે કે Tricity300 નું વજન 239 કિલોગ્રામ છે.