વાયરલ વીડિયો / VIDEO : દરિયાના પેટાળમાંથી સોના-ચાંદીના સિક્કા ભરેલું આખું જહાજ મળ્યું, આંખો ફાટી જાય તેટલો ખજાનો

ધરતીના પેટાળ બાદ હવે દરિયાના પેટાળમાંથી મોટો ખજાનો હાથ લાગ્યો છે. અમેરિકાના ફ્લોરિડામાં ડૂબકીમારોએ 200 વર્ષ પહેલાં ડૂબેલા જહાજમાંથી એક મોટો ખજાનો શોધી કાઢ્યો છે. ડૂબકીમારોએ 18મી સદીના સ્પેનિશ જહાજના કાટમાળમાંથી ₹88.7 મિલિયનના સોનાના સિક્કા શોધી કાઢ્યા છે.

ખૂબ ઉત્તેજના ફેલાઈ

આ અઠવાડિયે જાહેર કરાયેલી આ રોમાંચક શોધથી ઇતિહાસકારો, ખજાના શોધકો અને દરિયાઈ સંશોધકોમાં વ્યાપક ઉત્તેજના ફેલાઈ છે. એક ડૂબકીમારે આ ઘટનાનો એક વીડિયો શેર કર્યો છે.

1715માં ડૂબ્યું હતું આ જહાજ

આ કિંમતી ખજાનો 1715ના ટ્રેઝર ફ્લીટનો છે, જે સ્પેનિશ ગેલિયનનો કાફલો છે જે 31 જુલાઈ, 1715ના રોજ અમેરિકાથી કિંમતી સંપત્તિ લઈને સ્પેન પરત ફરતી વખતે એક ભયંકર તોફાનમાં ડૂબી ગયું હતું.

વધુ વાંચો : DA વધારા બાદ કેન્દ્રીય કર્મચારીઓ માટે મોટી ખુશખબર, હવે મળશે આ 3 મોટા ફાયદા

ડૂબેલા જહાજમાંથી બીજુ શું શું મળ્યું?

ડૂબકીમારોએ જહાજમાંથી સોનાના સિક્કાની ઉપરાંત 1,000 થી વધુ ચાંદીના સિક્કા અને ઘણા દુર્લભ સોનાના સિક્કા મળી આવ્યા હતા. મજાની વાત એ છે કે જુના સિક્કા પર ટંકશાળના નિશાન અને તારીખો એવીને એવી જોઈ શકાતી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ