- ટીમ ઇન્ડિયાએ વર્લ્ડ કપ 2023માં શ્રેષ્ઠ પ્રદર્શન કર્યું છે
- નોક આઉટ મેચમાં ભારત અને ન્યુઝીલેન્ડ સામસામે ટકરાશે
- ન્યૂઝીલેન્ડના આ 5 ખેલાડીઓથી બચીને રહેવું પડશે
આ સમયે જો કોઈ ટીમે વર્લ્ડ કપ 2023માં શ્રેષ્ઠ પ્રદર્શન કર્યું હોય તો તે ટીમ ઈન્ડિયા છે. ટીમ ઈન્ડિયા સતત 8 મેચ જીતીને પોઈન્ટ ટેબલમાં ટોપ પર છે. ટીમ ઈન્ડિયા સેમીફાઈનલમાં પહોંચી ગઈ છે અને માનવામાં આવે છે કે 15મી નવેમ્બરે આ નોક આઉટ મેચમાં ભારત અને ન્યુઝીલેન્ડ સામસામે ટકરાશે.
ન્યૂઝીલેન્ડે શ્રીલંકા સામે જીત મેળવીને સેમીફાઈનલમાં પોતાનું સ્થાન લગભગ નિશ્ચિત કરી લીધું છે. પાકિસ્તાનની સેમેફાઈનલમાં પંહોચવાની આશા તોડ્યા બાદ હવે ન્યુઝીલેન્ડની નજર ટીમ ઈન્ડિયાનું સપનું તોડવા પર છે. એવામાં ન્યૂઝીલેન્ડના આ 5 ખેલાડીઓ જે સેમીફાઈનલમાં ટીમ ઈન્ડિયા માટે અડચણ બની શકે છે.
ટ્રેન્ટ બોલ્ટ
જો સેમીફાઈનલમાં ન્યુઝીલેન્ડ સાથે ટક્કર થશે તો ટ્રેન્ટ બોલ્ટ ભારતીય બેટ્સમેનો માટે મોટો ખતરો બની શકે છે. ખાસ કરીને પાવરપ્લેમાં બોલ્ટનો સ્વિંગ મુશ્કેલીરૂપ બની શકે છે. તે શરૂઆતની ઓવરોમાં જ વિકેટ લેવામાં સક્ષમ છે. બોલ્ટ ભલે આ વર્લ્ડ કપમાં ઘણી મેચ રમ્યો ન હોય, પરંતુ તેમ છતાં ભારત સામે તેનો રેકોર્ડ મેચમાં મહત્વની ભૂમિકા ભજવી શકે છે.
રચિન રવિન્દ્ર
રચિને ટૂર્નામેન્ટમાં અત્યાર સુધીમાં ત્રણ સદી ફટકારી છે અને કુલ 500થી વધુ રન બનાવ્યા છે. આવી સ્થિતિમાં ભારતીય મૂળના રચીન રવીન્દ્ર ટીમ માટે ખતરો સાબિત થઈ શકે છે.
ડેવોન કોનવે
સેમીફાઈનલમાં ટીમ ઈન્ડિયાને ન્યુઝીલેન્ડના અનુભવી બેટ્સમેન ડેવોન કોનવેથી બચીને રહેવું પડશે. કોનવે એક એવો બેટ્સમેન છે જે સ્પિન અને ફાસ્ટ એમ બન્ને બોલ સારી રોતે બને છે અને ટીમ ઇન્ડિયાના બોલર માટે તે ખતરો સાબિત થઈ શકે છે.
ડેરીલ મિશેલ
ન્યૂઝીલેન્ડ માટે ડેરીલ મિશેલ પણ મજબૂત ફોર્મમાં છે. જો તે મિડલ ઓર્ડરમાં ટકી જાય તો તે ઝડપથી આઉટ થતો નથી. આવી સ્થિતિમાં ભારતીય બોલરો માટે તે ખતરો સાબિત થઈ શકે છે.
મિશેલ સેન્ટનરની સ્પિનથી સાવધ રહો
ન્યૂઝીલેન્ડ પાસે મિશેલ સેન્ટનરના રૂપમાં સારો સ્પિન બોલર છે, જે ટીમ માટે સતત વિકેટ પણ લઈ રહ્યો છે. સેન્ટનરે ટૂર્નામેન્ટમાં ન્યૂઝીલેન્ડ માટે 9 મેચમાં 16 વિકેટ લીધી છે. આ બોલરથી ભારતીય બેટ્સમેને બચીને રહેવું પડશે.
