પરિણામો એક્ઝિટ પોલ જેવા જ આવે તો રાજ્યમાં ત્રીજા પક્ષની મોટી દસ્તક નિશ્ચિત છે. 1990માં યોજાયેલી ચૂંટણી જેવી જ સ્થિતિ જોવા મળી રહી છે.
વિધાનસભા માટે ગુજરાતનો જંગ ત્રિકોણીય બનશે
AAP થોડી બેઠક પણ જીતશે તો સ્થિતિ 1990 જેવું થશે
1990 માં ગુજરતમાં ભાજપનો ઉદય થયો હતો
ગુજરાત વિધાનસભાની ચૂંટણીના એક્ઝિટ પોલ સામે આવ્યા છે. લગભગ દરેક જગ્યાએ ભારતીય જનતા પાર્ટીની મોટી જીતના સંકેત દેખાઈ રહ્યા છે, પરંતુ આમ આદમી પાર્ટીના આંકડા પણ ચોંકાવનારા છે. જો પરિણામો એક્ઝિટ પોલ જેવા જ આવે તો રાજ્યમાં ત્રીજા પક્ષની મોટી દસ્તક નિશ્ચિત છે. 1990માં યોજાયેલી ચૂંટણી જેવી જ સ્થિતિ જોવા મળી રહી છે, જેને ગુજરાતમાં ભાજપના ઉદયનો સમય માનવામાં આવે છે.
જેથી ગુજરાતનો જંગ ત્રિકોણીય બનશે
ગુજરાતની ચૂંટણીના જંગમાં મુખ્યત્વે ભાજપ અને કોંગ્રેસની જંગ જોવા મળી રહી છે, પરંતુ આ વખતે AAPની નાનકડી હાજરી પણ રાજકીય સમીકરણ બદલી શકે છે.અત્યાર સુધી રાષ્ટ્રીય સંયોજક અરવિંદ કેજરીવાલની પાર્ટી કોંગ્રેસ પાસેથી દિલ્હી અને પંજાબ જીતવામાં સફળ રહી છે. બીજી તરફ જો AAP ગુજરાતમાં થોડીક બેઠકો પણ જીતે તો તે ભાજપના ગઢમાં પ્રવેશવા તૈયાર થઈ જશે. આ એવા સમયે થશે જ્યારે બીજેપી ગુજરાતમાં AAPના ઉદયને નબળો પાડવાનો સતત પ્રયાસ કરી રહી છે.
1990 માં શું થયું?
જો એક્ઝિટ પોલના આંકડાઓ પરિણામોમાં જોવા મળશે તો ગુજરાતમાં પણ મોટા રાજકીય પરિવર્તનના સંકેતો જોવા મળશે. સ્થિતિ 1990 જેવી હશે, જ્યાં કોંગ્રેસ, ભાજપ અને જનતા દળ વચ્ચે મુકાબલો હતો. કહેવાય છે કે આ ચૂંટણીમાં ભાજપનો ઉદય થયો. તે દરમિયાન ભાજપે 143 બેઠકો પર ચૂંટણી લડી હતી અને 67 બેઠકો જીતી હતી. જ્યારે કોંગ્રેસને 33 બેઠકો મળી હતી. જનતા દળને 147માંથી 70 બેઠકો મળી હતી.
કોંગ્રેસના બે રેકોર્ડ અકબંધ રહેશે
એક્ઝિટ પોલના ડેટા અનુસાર, ભાજપ 2002 (127 બેઠકો)નો પોતાનો જ રેકોર્ડ તોડી શકે છે. જો કે આ પછી પણ 1985માં 149 અને 1980માં 141 બેઠકોનો કોંગ્રેસનો રેકોર્ડ જળવાયેલ રહેશે.
ગુજરાતમાં AAP પાર્ટીનો પગ પેસારો
ગુજરાત પ્રદેશ કોંગ્રેસ સમિતિના પૂર્વ પ્રમુખ અર્જુન મોઢવાડિયા અલગ જ પરિણામની વાત કરી રહ્યા છે. મીડિયા સાથે વાત કરતાં તેમણે વર્તમાન પરિસ્થિતિની સરખામણી 1990ની સ્થિતિ સાથે કરી હતી."(પછી) કોંગ્રેસનો અહંકાર, ખંડિત વિપક્ષ જ્યાં ભાજપ અને જનતા દળને ઉમેદવારો શોધવામાં પણ મુશ્કેલી પડી રહી હતી અને અમારી બેઠકો 149 થી ઘટીને 33 થઈ ગઈ," તેમણે કહ્યું.જે સ્થિતિ 1990માં કોંગ્રેસની હતી, તેવી જ સ્થિતિ 2022માં ભાજપની છે અને તેથી AAP પગપેસારો કરી શકે છે. સંભવ છે કે કેટલીક બેઠકો પર પાર્ટી વોટ કટીંગ પાર્ટી બની શકે છે.