અપડેટ / WhatsApp લાવશે અત્યાર સુધીનું સૌથી મોટું સિક્યોરિટી ફિચર, કોઇ નહી વાંચી શકે ચેટ

 દુનિયાભરમાં લગભગ 150 કરોડથી વધારે લોકો WhatsAppના એક્ટિવ યૂઝર છે. ભારત આ એપના સૌથી મોટા માર્કેટમાંથી એક છે. આમ તો દેશમાં બીજી ઘણી ઇન્ટસ્ટન્ટ મેસેજિંગ એપ છે, પરંતુ 20 કરોડથી વધારે એક્ટિવ યૂઝર્સની સાથે WhatsApp સૌથી વધારે ચર્ચિત છે.

🔒 WhatsApp is rolling out the Fingerprint lock feature for Android beta users today!https://t.co/GVjPGxqgeT

Added a new option "Show content in notifications".
Check out the article for full details! 🎉
I can say: FINALLY! 😍

— WABetaInfo (@WABetaInfo) August 13, 2019

WhatsApp પોતાના યૂઝર્સની સિક્યોરિટી માટે બીટા વર્ઝન પર નવા ફિચરનું ટેસ્ટિંગ કરી રહ્યુ છે. તાજેતરમાં જ Wabetainfo દ્વારા એક રિપોર્ટ જારી કરવામાં આવી છે, જેમાં કંપની WhatsAppમાં સિક્યોરિટી માટે ફિંગરપ્રિન્ટ સેન્સરને સપોર્ટ કરવાની તૈયારીમાં છે. 

WhatsAppનું આ ફિચર એન્ડ્રોઇટ બીટા વર્ઝન 2.19.221  પર જોઇ શકાય છે. નવી અપડેટ પછી WhatsApp એપને ઓપન કરવા માટે ફિંગરપ્રિન્ટનો ઉપયોગ કરવાનો રહેશે, જોકે સેટિંગ્સમાં જઇને પહેલા આ ફિચરને એક્ટિવ કરવાનુ રહેશે. 

આ ફિચર આવ્યા પછી યૂઝર્સને સિક્યોરિટીની બાબતમાં ઘણો ફાયદો થશે. જેમ કે જો તમારો ફોન કોઇ અન્ય વ્યકતિ પાસે છે અને લૉક ઑપન છે તો તમારું WhatsApp Chat વાંચી શકશે, જોકે આ ફિચર આવ્યા પછી WhatsApp ઓપન કરવા માટે ફિંગરપ્રિન્ટની જરૂર પડશે. 

નવી અપડેટમાં એવુ પણ ફિચર છે કે તમે પોતે નક્કી કરી શકશો કે ફિંગરપ્રિન્ટ સેન્સરની સાથે તમારું WhatsApp ફિંગરપ્રિન્ટ સેન્સરની સાથે કેટલા સમય પછી લૉક થશે. આ માટે તમને 3 વિકલ્પ મળશે જેમાં તરત લૉક, એક મિનિટ પછી લૉક અને 30 મિનિટ પછી લૉક જેવા વિકલ્પ શામેલ થશે.