રાજનીતિ / ભાજપ પ્રદેશ પ્રમુખે કહ્યું, અમિત શાહ સામે તો મમતા બેનર્જીની હાલત આવી થઈ જાય છે અને બહાર...

• પશ્ચિમ બંગાળ ભાજપના નેતાનું નિવેદન 
• મમતા બેનર્જી પર કર્યા આકરા પ્રહાર

મમતા બેનર્જીના આ નિવેદન પર દિલીપ ઘોષે કહ્યું કે, જ્યારે મમતા બેનર્જી ગૃહમંત્રી અમિત શાહની સામે બેસે છે ત્યારે તો આ મુદ્દાને ઉઠાવતા નથી. જ્યારે મમતા અમિત શાહની સામે હોય ત્યારે તે ગભરાય છે અને બહાર રાજકારણ કરવાનું શરૂ કરે છે. તેમણે આ વાત ગૃહ પ્રધાન સમક્ષ કહી દેવી જોઇએ.

દિલ્હી હત્યાકાંડ આયોજીત નરસંહાર 

આપને જણાવી દઈએ કે તૃણમૂલ કોંગ્રેસના સુપ્રીમો મમતા બેનર્જીએ સોમવારે કહ્યું હતું કે દિલ્હીમાં હિંસા એક આયોજિત નરસંહાર છે. મમતાએ કેન્દ્રમાંથી ભાજપને હટાવવાની હાકલ પણ કરી હતી. તેમણે કહ્યું કે અમે આજે એક સંકલ્પ લઈએ છીએ કે સરમુખત્યાર સરકારને ઉથલાવી નહીં નાંખીએ ત્યાં સુધી અમે રોકાઈશું નહીં.

ભાજપ સરકાર પર મમતા બેનર્જીએ કર્યા પ્રહાર 

આપને જણાવી દઇએ કે, મમતા બેનર્જીએ કહ્યું કે દિલ્હીની હિંસા એક નરસંહાર છે અને ભાજપે હજી સુધી તેના માટે માફી માંગી નથી. ઉપરથી તેમની નિર્લજ્જતા જુઓ અને અહીં આવી અને કહી રહ્યા છે કે તેઓ બંગાળ લઈ જશે. પશ્ચિમ બંગાળના સીએમએ કહ્યું કે ઉત્તર પ્રદેશમાં જાવ અને જુઓ લોકોને બોલવાની સ્વતંત્રતા નથી.

અમિત શાહે પશ્ચિમ બંગાળમાં સંબોધી હતી સભા 

રવિવારે ગૃહમંત્રી અમિત શાહે શહીદ મીનર વિસ્તારમાં એક રેલી યોજી હતી. આ દરમિયાન શાહે પશ્ચિમ બંગાળના મુખ્યમંત્રી મમતા બેનર્જી તથા તેમના ભત્રીજા અભિષેક પર નિશાન સાધતા કહ્યું હતું કે, આગામી વર્ષે ચૂંટણી બાદ ક્યાંક કોઇ રાજકુમાર મુખ્યમંત્રી ન બની જાય. ભાજપને વિધાનસભામાં ચૂંટણીમાં બે તૃતીયાંશ બહુમતી મળશે. 

લોકસભામાં ભાજપને મળી છે 18 બેઠક 

શાહે કર્યું કે, લોકસભા ચૂંટણી પહેલા મમતા દીદી કહેતા હતા કે, ભાજપના ઉમેદવાર જામીનની રકમ ગુમાવશે. પરંતુ પ્રથમ વખત અમે અહીં 42 બેઠક પૈકી 18 સીટ મેળવી. મમતા દીદી આંકડા જોઇ શકે છે. આવનારી વિધાનસભા ચૂંટણીમાં અમે  બે તૃતીયાંશ બહુમતી મળવીશું.