બુધવારે સાંજે Jio એ જાહેરાત કરીને કંપનીના નેરવર્કથી હવે બીજા નેટવર્ક પર કૉલિંગ ફ્રી નહી થાય, એટલે કે Jio એ ગ્રાહકોને હવે બીજા નેટવર્ક પર કોલિંગ માટે એક નવુ ટૉપ અપ રિચાર્જ કરાવવું રહેશે. આ પછી હવે વોડાફોન આઇડિયા લિમિટેડે એક ટ્વીટ કરીને પ્રતિક્રિયા આપી છે.
જિયોએ ફ્રી કૉલિંગ બંધ કરવાનો નિર્ણય
વોડાફોન આઇડિયા ચાલું રાખશે ફ્રી સર્વિસ
વોડાફોન-આઇડિયાએ જણાવ્યુ કે, ''તે પોતાના ગ્રાહકો પાસેથી અન્ય નેટવર્ક પર કોલ કરવા માટે કોઇ અલગ ચાર્જ નહી વસૂલે. કંપનીએ ટ્વીટ કરીને જાણકારી આપી છે.
વોડાફોન-આઇડિયાએ કહ્યુ કે, ''તે પોતાના ગ્રાકહો પર આવો કોઇ ભાર નથી ઇચ્છતી જેથી દરેક વખતે કોલ કરતી વખતે પહેલા ગ્રાહકોએ વિચારવું પડે કે ઑન નેટ કોલ કરી રહ્યા છે કે ઑફ નેટ.'' વોડાફોને ટ્વીટરમાં કહ્યુ કે, ''વોડાફોનથી અન્ય નેટવર્ક પર કોલ કરવા માટે કોઈ ચાર્જ નહીં લાગે. તો અમે તમને જે વાયદો કર્યો હતો તે આનંદ માણો. વોડાફોન અનલિમિટેડ પ્લાન્સ પર વાસ્તવમાં ફ્રી કોલ.''
Relax, there will be no charges on Vodafone calls to other networks. So keep enjoying what we promised you - truly free calls on Vodafone unlimited plans.
આ સાથે જ એરટેલે પણ એક યૂઝરને રિપ્લાઇ કરતા કહ્યુ કે, ''કંપનીના અનલિમિટેડ પેક્સ કૉલિંગ માટે વાસ્તવમાં અનલિમિટેડ રહેશે. યૂઝર્સ અનલિમિટેડ પેક્સમાં ભારતમાં ક્યાંય પણ ફ્રી લોકલ, STD અને રોમિંગ કોલ્સનો ફાયદા ઉઠાવી શકશે. આ માટે કંપની કોઇ એડિશનલ ચાર્જ નહી લે.''
Hi! Airtel unlimited packs are truly unlimited on voice. With an unlimited pack you get to enjoy free local, STD and roaming calls anywhere in India. There are no additional charges levied. Thank you, Sonali https://t.co/2G23qpsqlP
ઉલ્લેખનીય છે કે રિલાયન્સ જિયોએ 9 ઓક્ટોબરે આઈયૂસીની જાહેરાત કરી. કંપનીએ કહ્યુ કે, હવે જિયો નેટવર્કથી અલગ અન્ય કોઇ મોબાઇલ નેટવર્ક પર કોલ કરવા પર તે ગ્રાહકો પાસેથી 6 પૈસા પ્રતિ મિનિટ ચાર્જ લેશે. આ પછી રિલાયન્સ જિયોએ તેવી પણ જાહેરાત કરી કે તે 10 રૂપિયાની શરૂઆત કિંમતની ટોપ-અપ પેક્સ લોન્ચ કરી રહી છે. જે અન્ય નેટવર્ક પર કોલ કરવા માટે હશે. આ ટોપ-અપ પેક સાથે વધારાનો ડેટા મળશે.