ભાજપનો ડંકો / વડોદરામાં BJPએ વટ પાડ્યો: જુઓ તમામ બેઠકોનું ફાઇનલ પરિણામ, બેઠકે સૌને ચોંકાવ્યા

• વડોદરામાં ભાજપનો ભગવો લહેરાયો
• 8 બેઠકોમાંથી 7 બેઠકો પર ભાજપ
• 1 બેઠક પર અપક્ષ ઉમેદવારની જીત

ગુજરાત વિધાનસભાની ચૂંટણીના પરિણામો હાલ જાહેર થઈ રહ્યા છે અને ગુજરાતમાં સતત સાતમી વખત ભાજપ સરકાર બનાવવા તરફ આગળ વધી રહ્યું છે. ગુજરાત વિધાનસભા ચૂંટણીના પરિણામોમાં હાલ ભાજપ આગળ ચાલી રહ્યું છે. જણાવી દઈએ કે વિધાનસભાની ચૂંટણીના 182 બેઠકોના વલણ સામે આવ્યા છે.  જેમાં ભાજપ 154, કોંગ્રેસ 20, AAP 5 અને 3 બેઠકો પર અન્ય આગળ ચાલી રહ્યું છે.  ગુજરાતના વલણો ભલે ભાજપ માટે બમ્પર બહુમતીનો સંકેત આપી રહ્યા હોય પણ અન્ય ચૂંટણી પરિણામો ભાજપ માટે નિરાશા લાવી રહ્યા છે. ભાજપ સતત બીજા દિવસે સત્તા ગુમાવી રહ્યું હોય તેવું લાગી રહ્યું છે. ત્યારે વડોદરામાં પણ ભાજપે ધમાકેદાર જીત મેળવી છે.

7 બેઠક પર ભાજપ
વડોદરા જિલ્લાની 8 બેઠકોની વાત કરીએ તો કુલ 7 બેઠકો પર ભાજપે જીતનો ડંકો વગાડ્યો છે. વડોદરાની જનતાએ ભાજપનાં ઉમેદવારોને પસંદ કર્યાં છે જ્યારે એક બેઠક, વાઘોડિયા પર અપક્ષ ઉમેદવાર ધર્મેન્દ્રસિંહ વાઘેલાની જીત નોંધાઇ છે. સાવલી, ડભોઈ, વડોદરા શહેર, સયાજીગંજ, અકોટા , રાવપુરા, માંજલપુર , પાદરા અને કરજણમાં BJPનાં ઉમેદવારોની જીત થઇ છે.

ભાજપનાં આ ઉમેદવારોની જીત
સાવલી-  ભાજપના કેતન ઈનામદાર
ડભોઈ - ભાજપના શૈલેષ મહેતાની 
વડોદરા શહેર-  ભાજપના મનીષા વકીલ
સયાજીગંજ - ભાજપ કેયુર રોકડિયા
અકોટા- ભાજપના ચૈતન્ય દેસાઈ
રાવપુરા- ભાજપના બાલકૃષ્ણ શુક્લા
માંજલપુર - ભાજપના યોગેશ પટેલ
પાદરા-  ભાજપના ચૈતન્યસિંહ ઝાલા
કરજણ-  ભાજપના અક્ષય પટેલની જીત થઇ છે.