રાજનીતિ / બે MLAના કપાશે પત્તાં- અંબરીશ ડેર થશે રિપીટ: સૌરાષ્ટ્રના કોંગ્રેસ ઉમેદવારો લગભગ નક્કી, જુઓ આખું લિસ્ટ

• સૌરાષ્ટ્રમાં કોંગ્રેસના ઉમેદવારોના નામ લગભગ નક્કી
• કોંગ્રેસના સીટિંગ MLA બીજા લિસ્ટમાં આવશે
• સીટિંગ કોંગ્રેસના બે MLAમાં નો-રિપીટની શક્યતા 
• રાજકોટમાં 2 બેઠક પર કોંગ્રેસના ઉમેદવારની અટકળો તેજ
• કોંગ્રેસમાં ઘરવાપસી પછી ઇંદ્રનીલ રાજ્યગુરુ માટે પૂર્વ અને પશ્ચિમ બેઠક ખુલ્લી

વિધાનસભાની ચૂંટણી જાહેર થતાં જ હવે દરેક પક્ષો એક્ટિવ મોડમાં આવી ગયા છે. તેવામાં હવે સૌરાષ્ટ્રમાં કોંગ્રેસના ઉમેદવારોના નામ લગભગ નક્કી હોવાનું સામે આવ્યું છે. જેમાં કોંગ્રેસ મોટા ભાગના ધારાસભ્યોને રિપીટ કરી શકે છે. જેમાં અંબરીશ ડેર સહિતના ધારાસભ્યો રિપીટ થશે તો કોંગ્રેસના સીટિંગ બે MLAમાં નો-રિપીટની શક્યતા સેવાઇ રહી છે. આ સાથે કોંગ્રેસમાં ઘરવાપસી પછી ઇંદ્રનીલ રાજ્યગુરુ માટે રાજકોટની પૂર્વ અને પશ્ચિમ બેઠક ખુલ્લી હોવાનું પણ સામે આવ્યું છે. 

સૌરાષ્ટ્રમાં કોંગ્રેસ મોટાભાગના ધારાસભ્યોને રિપીટ કરે તેવી સંભાવના છે.  કોંગ્રેસના સીટિંગ MLA બીજા લિસ્ટમાં આવશે તેવી શક્યતા વચ્ચે હવે બે ધારાસભ્યોના પત્તા કપાઈ શકે છે. વિગતો મુજબ લલિત વસોયા, લલિત કગથરા, વિમલ ચુડાસમા, પુંજાભાઈ વંશ, અંબરીશ ડેર, ઋત્વિક મકવાણા, ભગવાન બારડ, ભીખાભાઈ જોષી, બાબુભાઈ વાઝા, મહમદ જાવેદ પીરઝાદા, અંબરીશ ડેર, પરેશ ધાનાણી, પ્રતાપ દુધાત રિપીટ થઇ શકે છે. આ સાથે  કોંગ્રેસના બે સીટિંગ MLAમાં નો-રિપીટની શક્યતા છે. 

રાજકોટમાં 2 બેઠક પર કોંગ્રેસના ઉમેદવારની અટકળો તેજ

મહત્વનું છે કે, રાજકોટમાં 2 બેઠક પર કોંગ્રેસના ઉમેદવારની અટકળો તેજ બની છે. રાજકોટ પશ્ચિમ બેઠક પર અતુલ રાજાણી, ગોપાલ અનડકટ, મનસુખ કાલરીયાનું નામ ચર્ચામાં છે. તો વળી રાજકોટ પૂર્વ બેઠકમાં અશોક ડાંગરનું નામ ચર્ચામાં છે. જોકે અહી મહત્વનું છે છે કે, કોંગ્રેસમાં ઘરવાપસી પછી ઇંદ્રનીલ રાજ્યગુરુ માટે પૂર્વ અને પશ્ચિમ બેઠક ખુલ્લી છે. 

બે તબક્કામાં યોજાશે વિધાનસભાની ચૂંટણી

ગુજરાતમાં વિધાનસભાની ચૂંટણી આગામી 1 અને 5 ડિસેમ્બરે યોજાનાર છે. જેમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે યોજાશે. આ સાથે ગુજરાત વિધાનસભા ચૂંટણીની મતગણતરીની 8 ડિસેમ્બરે થશે. ગુજરાતમાં બે તબક્કામાં 1 ડિસેમ્બર અને 5 ડિસેમ્બરે મતદાન થશે. હિમાચલ પ્રદેશની સાથે ગુજરાતનું પણ પરિણામ 8મી ડિસેમ્બરે જાહેર થશે.