નવી અપડેટ / એન્ડ્રોઇડ યૂઝર્સ માટે સારા સમાચાર, ગૂગલ મેપ્સમાં આવેલી અપડેટથી મળશે વધારે પ્રાઇવસી

હવે ગૂગલ ક્રોમની જેમ જ ગૂગલ મેપમાં પણ આ ફીચર રોલ આઉટ કરવાનું શરુ કરી દીધું છે.જોકે આ ફિચરનો લાભ માત્ર એન્ડ્રોઇડ યૂઝર્સને મળશે.

ગૂગલ મેપનું આ ફિચર લોકેશનથી જોડાયેલી પ્રાઇવસી યૂઝર્સને આપશે અને યૂઝર્સને એક નવા અંદાજમાં ગગૂલ મેપ્સનો ઉપયોગ કરી શકશે..આ મોડને ઇનેબલ કરવાથી નેવિગેશન અને સર્ચ હિસ્ટરી અકાઉન્ટમાં સેવ થશે નહીં અને હિસ્ટરી રેકમન્ડેશન સેક્શનમાં દેખાશે નહીં. આ ફીચર જે યુઝરને તેમનું લોકેશન સિક્રેટ રાખવું હોય તેમને કામમાં લાગશે. હાલ આ ફીચર કંપનીએ માત્ર એન્ડ્રોઇડ યુઝર માટે જ લોન્ચ કર્યું છે, ટૂંક સમયમાં iOS યુઝર મારે પણ આ ફીચર રોલ આઉટ થશે.

ગૂગલે આ ફીચર રોલઆઉટ કરવાનું શરુ તો કરી દીધું છે, પણ તેને યુઝર સુધી પહોંચવામાં સમય લાગી શકે છે. આ નવા ઇન્કોગ્નિટો મોડને ઓન અને ઓફ કરી શકાશે. મોડ ઓન કરવા પર ગૂગલ મેપમાં સર્ચ ને નેવિગેશન હિસ્ટરી દેખાશે નહીં. જો કે, આ ફીચરથી પહેલાં સેવ કરેલ લોકેશન હિસ્ટરી પર કોઈ અસર પડશે નહીં.

ગૂગલ પ્રમાણે નવા મોડમાં લોકેશન હિસ્ટ્રી, લોકેશન શેરિંગ, નોટિફિકેશન અને મેસેજ, સર્ચ હિસ્ટરી, ઓફલાઈન મેપ. મીડિયા ઇન્ટિગ્રેશન, ગૂગલ આસિસ્ટન્ટ માઈક્રોફોન ઈન નેવિગેશન હેવી સુવિધા બંધ થઈ જાય છે.