ટ્રેજિક / બર્થડેના દિવસે જીવ લેનારી કેકમાંથી નીકળ્યું આવું, 10 વર્ષની માનવીના મોતમાં ઘટસ્ફોટ

પંજાબના પટિયાલામાં 24 માર્ચ 2024ના દિવસે બર્થડે પર કેક ખાધા બાદ છોકરીનું મોત થયું હતું. આ ઘટના બાદ તરત કેકનું સેમ્પલ લેવામાં આવ્યું હતું અને તેનું પરીક્ષણ કરાયું હતું જેનો રિપોર્ટ હવે સામે આવ્યો છે. રિપોર્ટમાં જણાવાયું છે કે છોકરીએ જે કેક ખાધી હતી તેમાં વધારે પડતું સેકરિન હતું. જિલ્લા આરોગ્ય અધિકારી, ડીએચઓ ડો.વિજય જિંદલે એવું કહ્યું કે ભોજન અને ઠંડા પીણામાં અમુક માત્રામાં સેકરીન હોય છે પરંતુ વધુ પડતું સેકરિન લોહીમાં ગ્લુકોઝનું પ્રમાણ ઝડપથી વધારી શકે છે. તેમણે કહ્યું કે છોકરીએ ખાધેલી કેકમાં વધારે પડતું સેકરીન હતું. ટૂંક સમયમાં બેકરી સામે કાર્યવાહી કરવામાં આવશે અને દંડ ફટકારવામાં આવી શકે છે. બેકરીના માલિક વિરુદ્ધ એફઆઈઆર દાખલ થઈ ચૂકી છે.

વધુ વાંચો : મેટ્રોમાં મહિલાઓ કર્યો એવો ડાન્સ કે લોકોએ કહ્યું આ જ જોવાનું બાકી હતું! જુઓ વીડિયો

પટિયાલામાં 24 માર્ચે શું બન્યું હતું 
પટિયાલામાં 10 વર્ષની માનવી નામની છોકરીનું તેના બર્થડેના દિવસે જ મોત થતાં માતમ પ્રસર્યો હતો. બર્થડેની કેક ખાધા બાદ માનવીની તબિયત બગડી હતી અને સવારમાં તેનું મોત થયું હતું. માનવીના મોતની ઉપરાંત કેક ખાનારા પરિવારના 4 સભ્યોની પણ તબિયત ખરાબ થઈ હતી. પટિયાલાના અમન નગરની રહેવાસી કાજલે પોલીસને જણાવ્યું હતું કે 24 માર્ચે તેની પુત્રી માનવીનો જન્મદિવસ હતો. પરિવારે ઝોમેટોથી કાન્હા કેક શોપમાંથી કેકનો ઓર્ડર કર્યો હતો જે પછી સાંજે તેનો બર્થડે ઉજવાયો હતો. બર્થડેના દિવસે માનવીએ કેક કાપ્યાં બાદ ખાધી હતી જે પછી તેને ઉલટીઓ થવા લાગી હતી તથા પરિવારના 4 સભ્યોની પણ તબિયત ખરાબ થઈ હતી. રાત સુતા બાદ વહેલી સવાર 4 વાગ્યે માનવીનું શરીર ઠંડું પડી ગયું હતું પરિવાર તેને લઈને હોસ્પિટલ દોડ્યો પરંતુ તેટલીવારમાં તેનું પ્રાણપંખેરુ ઉડી ચૂક્યું હતું. 

ஆன்லைனில் கேக் ஆர்டர்... பிறந்த நாள் கொண்டாடிய சிறுமி... அன்று இரவே நடந்த சோகம்...#Punjab | #Birthday | #Cake | #Girl | #Death | #PolimerNews pic.twitter.com/gCa9tn2Ail

— Polimer News (@polimernews) April 1, 2024

વીડિયોમાં કેક કાપતી દેખાઈ માનવી
માનવીનો કેક કાપતી હોવાનો એક વીડિયો પણ સામે આવ્યો છે. પરિવારે માનવીના જન્મદિવસ માટે ઓનલાઈન 352 રુપિયા ચુકવીને કેક મંગાવી હતી અને તે કેક ઝેરી હોવાનું જણાવાઈ રહ્યું છે. વીડિયો એવું પણ જોઈ શકાય છે માનવી ખૂદ કેક ખાતી હતી અને ઘરનાને પણ ખવડાવતી હતી. માનવીની માતા કાજલે કહ્યું કે માનવી ભણવામાં ખૂબ હોંશિયાર હતી, હવે તેની નાની બહેન એકલવાયી બની ગઈ છે. 

પોલીસે કેક શોપના માલિક સામે ગુનો નોંધ્યો 
પોલીસે તેના પરિવારની ફરિયાદ પરથી બેકરીની દુકાનના માલિક સામે ગુનો નોંધ્યો છે. આ ઘટના બાદ સમગ્ર વિસ્તારમાં શોકની કાલિમા છવાઇ ગઇ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો