'વંદે' નારીશક્તિ / કોણ છે સુરેખા યાદવ, જેમણે વંદે ભારત ટ્રેનમાં આ કામ કરીને રચ્યો ઈતિહાસ, દેશ કરે છે સલામ

• સુરેખા યાદવે વંદે ભારત એક્સપ્રેસ ચલાવીને ઈતિહાસ રચ્યો
• વંદે ભારત એક્સપ્રેસ ચલાવનાર પ્રથમ મહિલા પાઈલટ બની 
• રેલ્વે મંત્રી અશ્વિની વૈષ્ણવે સુરેખા યાદવને અભિનંદન પાઠવ્યા

સુરેખા યાદવ ભારતની પ્રથમ સેમી-હાઈ-સ્પીડ વંદે ભારત એક્સપ્રેસ ચલાવનાર પ્રથમ મહિલા પાઈલટ બની છે. રેલ્વે મંત્રી અશ્વિની વૈષ્ણવે દેશની પ્રથમ મહિલા પાયલોટ સુરેખા યાદવને અભિનંદન પાઠવ્યા હતા અને મહિલા શક્તિની પ્રશંસા કરી હતી.

એશિયાની પ્રથમ મહિલા પાયલોટ સુરેખા યાદવે વંદે ભારત એક્સપ્રેસ ચલાવીને નવો ઈતિહાસ રચ્યો છે. સુરેખા યાદવે સોમવારે સોલાપુર-CSMT વંદે ભારત એક્સપ્રેસ ટ્રેન ચલાવી હતી અને આ સાથે તે વંદે ભારત એક્સપ્રેસ ચલાવનાર પ્રથમ મહિલા પાઇલટ પણ બની છે. સુરેખા યાદવ માત્ર દેશની જ નહીં પણ એશિયાની પ્રથમ મહિલા પાઈલટનું બિરુદ ધરાવે છે.

भारतीय रेल ने कायम की नारी सशक्तीकरण की मिसाल!

सीएसएमटी, मुंबई - सोलापुर के बीच वंदे भारत एक्सप्रेस को चलाकर श्रीमती सुरेखा यादव बनीं वंदे भारत ट्रेन चलाने वाली देश की पहली महिला लोको पायलट। pic.twitter.com/9IlTOKg2Gb

— Ministry of Railways (@RailMinIndia) March 15, 2023

 

સુરેખા યાદવ કોણ છે?

મહારાષ્ટ્રના સતારાની રહેવાસી સુરેખા યાદવ 1988માં ભારતની પ્રથમ મહિલા ટ્રેન ડ્રાઈવર બની હતી અને રાજ્ય અને રાષ્ટ્રીય પુરસ્કારો જીત્યા હતા. મળતી માહિતી મુજબ એપ્રિલ 2000માં તત્કાલિન રેલવે મંત્રી મમતા બેનર્જીએ ચાર મહાનગરોમાં પ્રથમ વખત લેડીઝ સ્પેશિયલ લોકલ ટ્રેન શરૂ કરી હતી, જેના ક્રૂમાં સુરેખા યાદવનો સમાવેશ થતો હતો. આ સિવાય તેની કારકિર્દીમાં એક મહત્વની ઘટના 8 માર્ચ 2011ના રોજ બની હતી, જ્યારે સુરેખાએ આંતરરાષ્ટ્રીય મહિલા દિવસે પુણેથી CST મુંબઈ સુધીની ડેક્કન ક્વીન નામની ટ્રેન ચલાવી હતી. રેલવે મંત્રી અશ્વિની વૈષ્ણવે સુરેખાની સિદ્ધિની પ્રશંસા કરી હતી. તેમણે કહ્યું કે, વંદે ભારત એક્સપ્રેસની પ્રથમ મહિલા પાયલટ શ્રીમતી સુરેખા યાદવ,'વંદે ભારત - નારી શક્તિ દ્વારા સંચાલિત. 

Salute to #Narishakti!

Smt. Surekha Yadav, Loco Pilot cruising the first female driven Vande Bharat train from CSMT, Mumbai to Solapur through the steepest Bhor Ghat between Mumbai & Pune in Maharashtra. pic.twitter.com/WWKiUIXYrx

— Ministry of Railways (@RailMinIndia) March 15, 2023

 

સુરેખા યાદવને છત્રપતિ શિવાજી મહારાજ ટર્મિનસના પ્લેટફોર્મ નંબર 8 પર વંદે ભારત એક્સપ્રેસ ટ્રેન ચલાવવા બદલ સન્માનિત કરવામાં આવી હતી. આ ટ્રેન સમયસર સોલાપુરથી નીકળી હતી અને સમયના 5 મિનિટ પહેલા CSMT પહોંચી હતી. ટ્રેન ડ્રાઇવિંગ તેમજ ક્રૂ શીખવાની પ્રક્રિયામાં સિગ્નલ ફોલો, નવા સાધનો પર હાથ, અન્ય ક્રૂ મેમ્બરો સાથે કો-ઓર્ડિનેશન, ટ્રેન ડ્રાઇવિંગ માટેના તમામ પરિમાણોને અનુસરવાનો સમાવેશ થાય છે. આ માટે આજે સમગ્ર દેશમાં તમામ લોકો તેના વખાણ કરી રહ્યા છે અને કહી રહ્યા છે સલામ છે આ નારી શક્તિને.