BCCIના અધ્યક્ષ તરીકે ન ચૂંટાયા બાદ સૌરવ ગાંગુલીએ એક અઠવાડિયા પહેલા જ જાહેરાત કરી હતી કે તેઓ ક્રિકેટ એસોસિએશન ઓફ બંગાળ (CAB)ના પ્રમુખ તરીકે વાપસી ફરવા કરવા માટે ચૂંટણી લડશે. જોકે, હવે ચૂંટણી નહીં યોજાય.
CABના અધ્યક્ષ પદની રેસમાંથી હટી ગયા સૌરવ ગાંગુલી
નામાંકનના છેલ્લા દિવસે અધ્યક્ષ પદ માટે ન ભર્યું ફોર્મ
સ્નેહાશીષ ગાંગુલીનો બિનહરીફ ચૂંટાવાનો રસ્તો સાફ
સૌરવ ગાંગુલીએ પોતાના માટે શું વિચાર્યું છે અને શું તેઓ ક્રિકેટ એડમિનિસ્ટ્રેશનમાં જ રહેશે, આ અંગે હજુ સ્થિતિ સ્પષ્ટ થઈ નથી. BCCIના અધ્યક્ષ પદની રેસમાંથી હટી ગયા બાદ ગાંગુલીએ હવે તેમના ભાઈ માટે એક ક્રિકેટ સંસ્થાના ચીફની ખુરશી પણ છોડી દીધી છે. તે નિશ્ચિત હતું કે જો તેઓ આ ચૂંટણીમાં ઉભા રહ્યા હોત તો તેઓ જીતી ગયા હોત. આવી સ્થિતિમાં સૌરવ ગાંગુલીના મોટાભાઈ સ્નેહાશીષ ગાંગુલીનો 31 ઓક્ટોબરે યોજાનારી જનરલ એસેમ્બલી મીટિંગ (AGM)માં ક્રિકેટ એસોસિએશન ઑફ બંગાળના પ્રમુખ તરીકે બિનહરીફ ચૂંટાવાનો જવાનો રસ્તો સાફ થઈ ગયો છે.
CABના અધ્યક્ષ પદની રેસમાંથી હટી ગયા
BCCIના પૂર્વ અધ્યક્ષ સૌરવ ગાંગુલી રવિવારે ક્રિકેટ એસોસિએશન ઑફ બંગાળ (CAB)ના અધ્યક્ષ પદની રેસમાંથી હટી ગયા, જેના કારણે તેમના મોટાભાઈ સ્નેહાશીષ ગાંગુલીનો 31 ઓક્ટોબરની વાર્ષિક સામાન્ય સભામાં સર્વોચ્ચ પદ પર બિનહરીફ ચૂંટાવા માટેનો રસ્તો સાફ થઈ ગયો છે. સૌરવ ગાંગુલીએ નામાંકનના છેલ્લા દિવસે અધ્યક્ષ પદ માટે ઉમેદવારી પત્ર ભર્યું ન હતું.
'ચૂંટણી યોજાઈ રહી નથી'
50 વર્ષના આ પૂર્વ ભારતીય કેપ્ટને કોલકાતાના ઈડન ગાર્ડન્સ પર પત્રકારોને જણાવ્યું હતું કે, 'મેં પહેલા જ કહ્યું હતું કે હું ત્યારે જ મારી દાવેદારી રજૂ કરીશ, જ્યારે ચૂંટણી યોજાશે. ચૂંટણી યોજાઈ રહી નથી અને તેથી બધાને બિનહરીફ ચૂંટવામાં આવશે.'
એક સપ્તાહ પહેલા જ કર્યું હતું એલાન
બીસીસીઆઈના અધ્યક્ષ તરીકે ન ચૂંટાયા બાદ ગાંગુલીએ એક અઠવાડિયા પહેલા જાહેરાત કરી હતી કે તેઓ CABના અધ્યક્ષ તરીકે વાપસી કરવા માટે ચૂંટણી લડશે. ગાંગુલીએ કહ્યું, 'જો હું ચૂંટણી લડેત તો બે કે તેથી વધુ લોકોને કોઈ પદ ન મળેત, તેથી હું હટી ગયો છું. હું બિનહરીફ ચૂંટાઈ આવેત પરંતુ મને લાગ્યું કે આ યોગ્ય નથી. તેઓ (કેબ પદાધિકારી) આગામી ત્રણ વર્ષ સુધી કામ કરશે અને અમે તે પછી જોઈશું.'