જ્યોતિષ શાસ્ત્ર / નારાજ પિતૃઓને શાંત કરવા પિતૃપક્ષમાં અપનાવો આ 5 જ્યોતિષીય ઉપાય, મળશે પોઝિટિવ પરિણામ

• પિતૃ પક્ષમાં મૃત પૂર્વજોનું પિંડદાન-શ્રાદ્ધ કરવું લાભકારી
• નારાજ પિતૃદોષથી બચવા માટે ઉપાયો કરવા
• જ્યોતિષ શાસ્ત્રમાં આપવામાં આવ્યાં છે ગંગાજળનાં ઉપાયો

આ વર્ષે પિતૃ પક્ષની શરૂઆત 29 સપ્ટેમ્બર 2023નાં દિવસથી થવાની છે. જેનું સમાપન 14 ઑક્ટોબર 2023નાં શનિવારે થશે. પિતૃ પક્ષ શરૂ થવામાં હવે થોડા જ દિવસો બચ્યાં છે. પિતૃપક્ષ દરમિયાન આપણાં પૂર્વજો પૃથ્વી પર 15 દિવસનો સમય વ્યતિત કરવા આવે છે. આ દરમિયાન તે આપણી રહેણીકરણી જોઈને પ્રસન્ન અથવા તો નારાજ થાય છે. પિતૃપક્ષ હિન્દૂ ધર્મમાં ખાસ માનવામાં આવે છે. આ સમયે આપણને પોતાના પૂર્વજોનું તર્પણ, શ્રાદ્ધ અને પિંડદાન કરવાનો મોકો મળે છે. આ દરમિયાન નારાજ પિતૃઓને પ્રસન્ન કરવા માટે ગંગાજળનાં કેટલાક ઉપાયો જણાવવામાં આવ્યાં છે.

ગંગાજળનાં ઉપાયો

1. ગંગા નદીને સનાતન ધર્મમાં અતિ પવિત્ર નદી માનવામાં આવે છે. ગંગા નદીને માંની સંજ્ઞા આપીને તેમની પૂજા આરાધના કરવામાં આવે છે. પિતૃ પક્ષ દરમિયાન પિતૃઓની નારાજગી દૂર કરવા અને તેમના આશીર્વાદ મેળવવા માટે તેમને અર્પિત કરવામાં આવતાં ભોજન અને જળમાં કેટલાક ટીપાં ગંગાજળનાં નાખવા જોઈએ. આવું કરવાથી પિતૃ દોષ દૂર થાય છે અને ઘરમાં શાંતિ જળવાય છે.
2. પિતૃ પક્ષનાં 15 દિવસ નિયમિત રૂપે ઘરની ચારેય તરફ ગંગાજળ છાંટવું જોઈએ. આવું કરવાથી ઘરમાં સુખ સમૃદ્ધિ જળવાઈ રહે છે અને જીવન આનંદિત રહે છે.
3. માન્યતા અનુસાર પિતૃ પક્ષમાં આપણાં પૂર્વજો ઘરનાં કોઈપણ ખૂણામાં હાજર હોઈ શકે છે. જો તેમના પર ગંગાજળનો છંટકાવ કરવામાં આવે તો તેઓ પ્રસન્ન થઈને તમને વંશજોનો આશીર્વાદ આપે છે. ગંગાજળ પિતૃઓ સુધી પહોંચાડવાનો આ સૌથી સરળ માધ્યમ માનવામાં આવે છે.
4. સોળ શ્રાદ્ધ દરમિયાન જો તમે પિતૃઓનું તર્પણ કરો છો તો તેમાં કેટલાક ટીપા ગંગાજળનાં ઉમેરવા જોઈએ. તેમાં કેટલાક કાળા તલ પર નાખવા જોઈએ. આવું કરવાથી પિતૃઓને મુક્તિ મળે છે અને સાથે જ પરિવારને કલ્યાણકારી આશીર્વાદ પણ પ્રાપ્ત થાય છે.
5. ઘરની દક્ષિણ દિશા પૂર્વજોની દિશા માનવામાં આવે છે. જો તમે શ્રાદ્ધ દરમિયાન ઘરની દક્ષિણ દિશામાં ગંગાજળનો છંટકાવ કરો છો, તો પૂર્વજોને મોક્ષ મળે છે અને તેઓ ખુશ થઈને સુખ અને સમૃદ્ધિના આશીર્વાદ પણ આપે છે.