નિર્ણય / કેન્દ્રએ પેન્શનના નિયમોમાં કર્યું સંશોધન, સિક્યોરીટી ઑફિસરોએ રિટાયરમેન્ટ બાદ કઈં પણ લખતા પહેલા લેવી પડશે મંજૂરી

• કેન્દ્રીય સિવિલ સેવા સંશોધન નિયમ, 2020 હેઠળ આ સંશોધન કરવામાં આવ્યું 
• સંસ્થાના પ્રમુખની મંજૂરી વિના કોઈ પણ સંવેદનશીલ જાણકારી શેર નહીં કરી શકાય 
• આટલા સંગઠનનોને આમાં સામેલ કરવામાં આવ્યા છે 

કેન્દ્રીય સિવિલ સેવા સંશોધન નિયમ, 2020 હેઠળ આ સંશોધન કરવામાં આવ્યું 
કેન્દ્રીય સિવિલ સેવકો માટે પેન્શનના નિયમોમાં ફેરફાર કરવામાં આવ્યા છે. સુરક્ષા અને ગુપ્તચર સંસ્થામાંથી નિવૃત્ત થયેલા ઑફિસરોએ પોતાની સંસ્થા વિશે કઈં પણ પ્રકાશિત કરવા માટે પ્રતિબંધ લગાવી દીધો છે. હવે સંસ્થાના પ્રમુખની જાણકારી વગર સંસ્થા સંબંધી કોઈ પણ જાણકારી પ્રકાશિત કરી શકાશે નહીં. આ નિયમ અંતર્ગત કોઈ પણ "સંવેદનશીલ" જાણકારીને પ્રકાશિત કરવાની મંજૂરી નહીં મળે. કેન્દ્રીય સિવિલ સેવા સંશોધન નિયમ, 2020 હેઠળ સોમવારે આ ફેરફાર કરવામાં આવ્યા.
 
સંસ્થાના પ્રમુખની મંજૂરી વિના કોઈ પણ સંવેદનશીલ જાણકારી શેર નહીં કરી શકાય  
આ નિયમને વધુમાં સમજીએ તો આ આખા નિયમનો અર્થ એ થાય છે કે જો કોઈ પણ કર્મચારી કે ઓફિસર સંસ્થાની કોઈ પણ જાણકારી સંસ્થાના પ્રમુખની પરવાનગી વગર શેર કરે છે તો તેમનું પેન્શન કાપવામાં આવશે અથવા તો અટકાવી પણ દેવામાં આવશે. આ નિયમો નિવૃત્ત થયેલ અધિકારીઓને વધુ અસર કરશે, કારણકે ઘણા અધિકારીઓ સંસ્થાની જાણકારી ઇંટરવ્યૂ સ્વરૂપે કે પછી સમાચારોમાં કે પછી પુસ્તકના સ્વરૂપે સામાન્ય લોકો સુધી પહોંચાડી દેતા હોય છે. હવેથી આવી રીતે કોઈ પણ જાણકારી બીજી કોઈ સંસ્થાને શેર કરવી હોય તો સંસ્થાના પ્રમુખની મંજૂરી લેવી પડશે. 

આ સંગઠનમાં કોણ કોણ સામેલ છે?
RTI અધિનિયમની બીજી અનુસૂચિના સંદર્ભે આ સંગઠનમાં ગુપ્તચર એજન્સીઓ, અનુસાંધન અને વિશ્લેષણ વિંગ, રાજસ્વ ગુપ્ત નિર્દેશાલય, કેન્દ્રીય ગુપ્ત એજન્સીઓ, પ્રવર્તન નિર્દેશાલય, નાર્કોટિક્સ કન્ટ્રોલ બ્યૂરો, વિમાનન અનુસંધાન કેન્દ્ર, વિશેષ સીમા બળ, સીમા સુરક્ષા બળ, રિઝર્વ પોલીસ બળ, ભારત-તિબેટ સીમા પોલીસ, કેન્દ્રીય ઔધ્યોગિક સુરક્ષા બળ, રાષ્ટ્રીય સુરક્ષા ગાર્ડ, આસામ રાઈફલ્સ, સશસ્ત્ર સીમા બળ વિશેષ શાખા, આંદમાન નિકોબાર, અપરાધ શાખા સીઆઈડી, દાદરા-નગર હવેલી, લક્ષદીપ પોલીસ સામેલ છે.