નિવેદન / રામદેવે કહ્યું એક અઠવાડિયાની અંદર આવી જશે બ્લેક ફંગસની દવા, કામ ચાલુ છે

• રામદેવે કહ્યુ કે હું મારા કામથી મોઢું નથી ફેરવતો
• આઈએમએ એક એનજીઓ છે- રામદેવ
• ડોક્ટર્સ 1 જૂને કાળો દિવસ મનાવી રહ્યા છે

રામદેવે કહ્યુ કે હું મારા કામથી મોઢું નથી ફેરવતો

યોગગુરુ રામદેવે દાવો કર્યો છે કે તે જલ્દી બ્લેક ફંગસની દવાને લઈને આવવાના છે.  તેમણે એક ન્યૂઝ ચેનલના કાર્યક્રમમાં વાતચીત દરમિયાન આ દાવો કર્યો છે. તેમના નિવેદનને લઈને ઉઠેલા વિવાદના મુદ્દા પર વાતચીત દરમિયાન રામદેવે કહ્યુ કે હું મારા કામથી મોઢું નથી ફેરવતો.

તમામ વિવાદો છતાં 18 કલાકની સેવા કરી રહ્યો છું 

રામદેવે કહ્યુ કે તમામ વિવાદો છતાં 18 કલાકની સેવા કરી રહ્યો છું અને બહું જલ્દી એક અઠવાડિયાની અંદર બ્લેક ફંગસ, યલો ફંગસ અને વ્હાઈટ ફંગસની સારવાર આયુર્વેદથી આપવાનો છુ. કામ થઈ ચૂક્યું છે અને પ્રક્રિયા ફાઈનલ સ્ટેજમાં છે. અમે અત્યારે પણ ફંગસની દવા બનાવી રહ્યા છીએ. સ્વામી રામદેવે કહ્યુ કે આઈએમએ ન તો કોઈ સાઈન્ટિફિક વેલીડેશનની બોર્ડી છે ન તેમની પાસે કોઈ લેબ છે. ન તેમની પાસે કોઈ વૈજ્ઞાનિક છે. આઈએમએ એક એનજીઓ છે.

કોરોનિલને અપ્રમાણિત કહીને આયુર્વેદની મજાક ઉડાવે છે

પોતાના નિવેદનને લઈને રામદેવે કહ્યુ કે આયુર્વેદ અને યોગનો અનાદર થયો છે. આઈએમએ બલ્બને, પેન્ટને અને સાબુને વારંવાર પ્રમાણિત કરવાનું કામ કરી રહ્યા છે. જ્યારે કોરોનિલને અપ્રમાણિત કહીને આયુર્વેદની મજાક ઉડાવે છે. વિવાદ એ વાતથી છે મે આ કહ્યું છે.

ડોક્ટર્સ 1 જૂને કાળો દિવસ મનાવી રહ્યા છે

ઉલ્લેખનીય છે કે કોરોનાના રસીકરણ અને એલોપેથીને લઈને આપવામાં આવેલા રામદેવના નિવેદનથી નારાજ સંગઠને તેમની વિરુદ્ધ  કાર્યવાહી ન થવાની દિશામાં વિરોધ તેજ કરવાનું એલાન કર્યુ છે.  ફેડરેશન ઓફ રેસિડેન્ટ ડોક્ટર્સ એસોસિયેશન ઈન્ડિયા(ફોર્ડા)ના અધ્યક્ષ ડો. મનીષે કહ્યુ કે સંસ્થા સાથે જોડાયેલા દેશના તમામ રેસિડેન્ટ ડોક્ટર્સ એસોસિયેશન (આરડીએ) 1 જૂને કાળો દિવસ મનાવશે.