ભગવાન શિવની મહિમાનો પાર નથી. ભગવાન શિવના ઘણા મંદિર વિશે તમે સાંભળ્યું અને જાણ્યું હશે પણ આજે અમે તમને જણાવશું શિવજીના એવા મંદિર વિશે જ્યાં ભગવાન ભોળીયાના દર્શન કરવા ભક્તોની લાઇન લાગે છે.
ભગવાન શિવનુ આ મંદિર સાબરકાંઠામાં આવેલા વિરેશ્વર મહાદેવ અરવલ્લીની ગિરિમાળાઓની વચ્ચે બિરાજેલા છે. તેમને જોઈને લાગે છે કે જાણે કૈલાસમાં બીરાજમાન હોય. પ્રકૃતિની ગોદમાં બિરાજતા શિવજીનુ સ્થાન પ્રકૃતિની વચ્ચે નિહાળતા જ ભક્તોને અનોખો અહેસાસ થાય છે.
ભગવાન શિવજીનુ આ મંદિર પૌરાણિક મંદીર માનવામાં આવે છે અને અહી શિવજીનુ શિવલીંગ પણ સ્વંભુ પ્રગટ થયાનુ માનવામા આવે છે. અહી વિરભદ્રની તપો ભુમિનુ સ્થાન હોવાને કારણે તે વિરેશ્વર તરીકે ઓળખાય છે. વિરભદ્ર એ દક્ષપ્રજાપતીની હત્યા કરેલી અને તેમને બ્રહ્મહત્યાના લાગેલા પાપને લઇને ધરતી પર રહેવાની ફરજ પડેલી અને એટલે જ વિરભદ્રને શિવના દર્શન કરવા માટે કરેલી ઇચ્છાનુસાર શિવે પ્રગટ થવાનું વચન આપ્યું હતુ.
વિરભદ્ર એ ભગવાન શિવનો નંદી હતો અને તેને મળેલા વચન પ્રમાણે શિવજી અહી પ્રગટ થઇને વિરભદ્રને દર્શન આપ્યા હતા. આમ અહી ભગવાન શિવ પ્રગટ થયાની શ્રધ્ધા છે. ભક્તો અહી પુજા અર્ચના ઉપરાંત આસપાસના જંગલોમાંથી બીલ્વ પત્રોને લઇ આવીને શિવજીને અર્પણ કરે છે.
અહી ગુપ્ત ગંગા પણ વહે છે મંદિર થી ઉપરના ભાગે ડુંગરમાં આવેલ ઉંબરાના ઝાડના મૂળમાંથી પાણીનો પ્રવાહ બારેમાસ વહેતો રહે છે અને તે શિવજીના પર અભિષેક સ્વરુપે પસાર થાય છે અને એટલે જ એને ગુપ્ત ગંગાના પવિત્ર ઝરણાં તરીકે જોવામાં આવે છે. કહેવાય છે કે નરસિંહ ભગાવાને હીરણ્યકશ્યપનો સંહાર કરીને નખથી અહી ખોતરીને નખથી સંહાર કર્યાની જલન જે હાથ પર થઇ હતી તેને ઠારવવા માટે અહી તેઓએ હાથ ધોયા હતા અને ત્યારથી આ ગુપ્ત ગંગા વહેતી હોવાની માન્યતા છે.
1 ક્લિક પર જોડાવો VTV ના સોશિયલ એકાઉન્ટ્સ સાથે...
લાઇક કરો Vtv Facebook પેજ
ફોલો કરો Vtv Instagram એકાઉન્ટ
સબ્સક્રાઇબ કરો Vtv YouTube ચેનલ
