દેશમાં ઝડપથી વધી રહેલા મોબાઈલ કસ્ટમર બેઝને ધ્યાનમાં રાખીને હવે ૧૦ આંકડાની સીરીઝ પૂર્ણ થવાની તૈયારી છે. તેવામાં આગામી દિવસોમાં તમારો Mobile Number 10 આંકડાને બદલે 11 આંકડાનો થશે. સૂત્રોના જણાવ્યા અનુસાર તેના બદલે હવે ૧૧ આંકડાનો મોબાઈલ નંબર મળશે.
દેશભરમાં મોબાઈલ ગ્રાહકોની વધતી સંખ્યા મોબાઈલ નંબરની નવી સીરીઝ માટે મુશ્કેલી ઉભી કરી શકે તેમ છે. જેના લીધે આગામી દિવસમાં 10 આંકડાના મોબાઈલ નંબરના બદલે 11 આંકડાનો મોબાઈલ નંબર આપવામાં આવશે. આ અંગે ડીઓટી દુરસંચાર વિભાગે નવી સીરીઝ શરુ કરવા માટે વિચારણા હાથ ધરી છે.
ઉલ્લેખનીય છે કે કેન્દ્ર સરકારના જણાવ્યા અનુસાર અત્યાર સુધી 125 કરોડની વસ્તીવાળા દેશમાં મોબાઈલ ફોન ગ્રાહકોની સંખ્યા 98 કરોડ છે અને ૩૦ કરોડ ઇન્ટરનેટ કનેક્શન છે.
તેમજ આ વર્ષે મોબાઈલ ફોન ગ્રાહકોની સંખ્યા 100 કરોડને પાર થવાનો અંદાજ છે અને ઇન્ટરનેટ કનેક્શનની સંખ્યા બે વર્ષમાં 50 કરોડને આંબી જાય તેવી શક્યતા છે. ત્યારે દુરસંચાર વિભાગ આ પ્રકારનો નિર્ણય ટૂંક સમયમાં લઈ શકે છે.
