ભારતમાં Appleના નવા સ્માર્ટફોન iPhone 7 અને iPhone 7 Pluse લોન્ચ થઈ ગયા છે. જોકે આ સ્માર્ટ ફોન ભારતમાં સત્તાવાર રીતે શુક્રવાર સાંજે 7 વાગ્યે માર્કેટમાં મળવાના શરૂ થયા. ઇકોમર્સ વેબસાઈટ ફ્લિપકાર્ટ આ સ્માર્ટફોન માટે પહેલાથી પ્રી ઓર્ડર લઈ રહી છે.
રસપ્રદ વાત એ છે કે ફ્લિપકાર્ટના સીઈઓ બિન્ની બંસલ iPhone 7ના ખરીદનારા ગ્રાહકોને જાતે જઈને ડિલિવર કરશે. જોકે તે બેંગાલુરુના કેટલાક પસંદગીના ગ્રાહકો પાસે જ આ ફોનની ડિલિવરી કરવા માટે જશે.
ફ્લિપકાર્ટે પોતાના નિવેદનમાં જણાવ્યું કે કંપનીના સીઈઓ બિન્ની બંસલ ડિલિવરી એક્ઝિક્યુટિવમાંથી એક હશે જે આજે સાંજે સાત વાગ્યે બેંગાલુરુમાં આઈફોન 7 ડિલિવર કરશે.
