દુનિયાના પહેલા ઓટોમેટેડ ઇન્સ્યુલિન ડિલિવરી ઉપકરણને અમેરિકામાં મંજૂરી આપવામાં આવી છે. આ ઉપકરણને કૃત્રિમ પેન્ક્રીયાસ કહેવામાં આવે છે જે લોહિમાં શર્કરાની માત્રાની તપાસ કરી શકે છે અને નિયમિત રીતે ઇન્સ્યુલિનની ડોઝ આપી શકે છે. માનવ પેન્ક્રીઆસ નિશ્ચિત દરે ઇન્સ્યુલિનની ખોટ પૂરી કરે છે.
ડાયબીટીઝના દર્દીઓના શરીરમાં ઇન્સ્યુલિનના ઉત્પાદનની ક્ષમતા પ્રભાવિત થઈ જાય છે. 'મિનિમેડ 670જી' એવા દર્દીઓ માટે વરદાન ગણવામાં આવે છે. આ સુગરના પ્રમાણ પર પોતાની રીતે દેખરેખ રાખે છે અને ઇન્સ્યુલિનના યોગ્ય ડોઝ શરીરમાં પૂરા પાડે છે. અમેરિકાના ફૂડ એન્ડ ડ્રગ્સ એડમિનિસ્ટ્રેશને (FDA) આ કૃત્રિમ પેન્ક્રીઆસને ટાઈપ 1 ડાયાબીટીઝના 14 વર્ષ અને તેથી મોટા દર્દીઓ માટે મંજૂરી આપી દીધી છે.
