વૈશ્વિક સ્તર પર ખૂબ ચર્ચાઈ રહેલી મોબાઈલ ગેમ Pokemon Go વિશે લોકોમાં ખૂબ આકર્ષણ જોવા મળી રહ્યું છે. તમને રસ્તા પર Bulbasaur Charmander અને Pikachu જેવા Pokemon પકડનારા જોવા મળશે. પરંતુ હવે આ Pokemon પકડવાની આવડત તમને એક નોકરી પણ અપાવી શકે છે.
બેંગ્લૂરુ સ્થિત બાબાજોબ નામની ઓનલાઈન કંપનીએ Pokemon Catcher માટે નોકરીની જાહેરાત આપી છે. આ માટે અરજી કરનાર પાસે Pokemon વિશેનું જ્ઞાન હોવું જરૂરી છે. કંપની આ જાહેરાત દ્વારા Pokemon પકડનારા લોકોની એક ટીમ બનાવવા માંગે છે. આ પોસ્ટ પર નોકરી મેળવવા માટે ઉમેદવાર શારિરીક રીતે તંદુરસ્ત હોવો જોઈએ. જાહેરાત પ્રમાણે ઉમેદવારે જિમમા લડાઈ પહેલા Pokemonને ટ્રેઈનિંગ આપતા શીખવું પડશે.
આ કંપની સાથે હાલમાં 4 લાખ કર્મચારીઓ ડ્રાઈવર અને ડિલિવરી બોય તરીકે નોકરી કરી રહ્યા છે. Pokemon Go ગેમ સૌથી પહેલા અમેરિકા ઓસ્ટ્રેલિયા અને ન્યૂઝિલેન્ડમાં લોન્ચ કરવામાં આવી હતી. હાલમાં આ ગેમ ભારત સહિત દુનિયાના 30 વધારે દેશમાં લોકપ્રિય છે.
