મહારાષ્ટ્રની રાજધાની મુંબઈ (Mumbai)માં માનવ શરીરના અંગ મળતા સનસનાટી ફેલાઈ ગઈ હતી. નોંધનીય છે કે મુંબઈના માહિમ બીચ પર સોમવાર સાંજે એક સુટકેસમાં માનવ અંગના ટુકડા મળી આવ્યા હતા.
સુટકેસમાંથી જમણા અને ડાબા હાથના અલગ-અલગ હિસ્સા મળ્યા
પોલીસના જણાવ્યા મુજબ, હજી સુધી સ્પષ્ટ નથી થયું કે આ મહિલાની લાશ છે કે પુરુષની
સુટકેસમાંથી જમણા અને ડાબા હાથના અલગ-અલગ હિસ્સા મળ્યા
મુંબઈ પોલીસે કરેલી પ્રાથમિક તપાસ મુજબ, સમુદ્રમાંથી આવેલા સુટકેસને જ્યારે ખોલ્યો ત્યારે સુટકેસમાંથી જમણા અને ડાબા હાથના અલગ-અલગ હિસ્સા મળ્યા. તે જ સમયે, માછીમારોની મદદથી લાશના બધા જ અંગો શોધવા માટે સર્ચ ઓપરેશન કરવામાં આવ્યું.
હાલમાં પોલીસે લાશના આ ટુકડાઓને સાયના હોસ્પીટલમાં પોસ્ટમોર્ટમ માટે મોકલ્યા છે. પોલીસના જણાવ્યા મુજબ, હજી સુધી સ્પષ્ટ નથી થયું કે આ મહિલાની લાશ છે કે પુરુષની. સુટકેસમાંથી માનવ અંગો મળ્યા બાદ માહિમ પોલીસ સ્ટેશને બધા પોલીસ સ્ટેશનને એલર્ટ કરી દીધા છે અને ગૂમ થયેલ લોકોની શોધ માટે માહિતીઓ શેર કરી.