મુંબઈ / સ્કૂલ-કોલેજો બંધ, ફ્લાઇટ્સ પ્રભાવિત, જ્યાં જુઓ ત્યાં પાણી જ પાણી, મુંબઈમાં એલર્ટ જાહેર

Mumbai Rain:ઘણા રાજ્યોમાં વરસાદની સ્થિતિ યથાવત છે પરંતુ આ દિવસોમાં મહારાષ્ટ્રમાં વરસાદે સૌથી વધુ મઝા મૂકી છે.મહારાષ્ટ્રમાં અત્યાર સુધીમાં 7 લોકોના મૃત્યુ થઈ ગયા છે અને 200 થી વધુ લોકો આ વરસાદી માહોલના લીધે ફસાયા છે. માયાનગરી મુંબઈની ગતિ વરસાદને લીધે સાવ અટકી ગઈ છે. જેના લીધે તંત્રએ શાળાઓ અને કોલેજોમાં રજા જાહેર કરી છે. દેશની આર્થિક રાજધાનીના ઘણા વિસ્તારોમાં ભારે વરસાદની સ્થિતિ છે.

મુંબઈના રસ્તાઓ પાણીમાં

એક એવું શહેર જે ક્યારેય ઊંઘતું નથી તેની ગતિ અચાનક જ અટકી ગઈ છે. અને આ સ્થિતિ એટલા માટે સર્જાઇ છે કારણ કે મુંબઈના રસ્તાઓ પાણીથી ભરેલા છે. એટલું પાણી ભરેલું છે રસ્તાઓ પર કે તેના લીધે વાહન વ્યવહાર પણ ઠપ્પ થઈ ગયો છે. હંમેશા પોતાની ચમક જાળવી રાખનારું શહેર પોતાની ચમક ખોઈ બેઠું છે. મુંબઈમાં દર વર્ષે વરસાદ થાય છે અને દર વર્ષે મુંબઈ આ તકલીફમાંથી પસાર થાય છે.

મુંબઈના અંધેરીના સબબે માં ભારે વરસાદને લીધે પાણી ભરાઈ ગયા છે જેના લીધે અંધેરીના સબવે બંધ કરી દેવામાં આવ્યા છે. મુંબઈમાં સતત વરસાદને કારણે પાણી ભરાઇ જવાને લીધે પ્રભાવિત થયેલા ચેમ્બુરમાં એક હોસ્પિટલમાં દાખલ થવા માટે પણ લોકોને મુશ્કેલીઓનો સામનો કરવો પડ્યો હતો. ઘણા લોકો તેમના બીમાર પરિવારજનોને પીઠ પર ઊંચકીને બ્રુહ્નમુંબઈ નગર નિગમ (BMC) સંચાલિત જનરલ હોસ્પિટલ સુધી લઈ જતાં નજર આવ્યા હતા.

ફ્લાઇટને અસર

મુંબઈમાં ખરાબ વાતાવરણને કારણે ઘણી જગ્યાએ ફ્લાઇટને પણ અસર થઈ છે. એરપોર્ટ સુધી જતાં રસ્તાઓ પર પણ પાણી ભરાઈ ગયા છે જેના કારણે વાહન વ્યવહાર ધીમો પડી ગયો છે. ઇંડિગો ફ્લાઇટના જણાવ્યા અનુસાર વરસાદને લીધે Arrival અને Departure બંનેમાં લેટ થઈ રહ્યું છે. ઇંડિગોથી મુસાફરી કરનાર લોકોને ઘરેથી નીકળતા પહેલા એપ કે વેબસાઇટ પર ચેક કરીને ફ્લાઇટની સ્થિતિ ચેક કરવા સૂચના આપવામાં આવી છે.

18 ઓગસ્ટથી 19 ઓગસ્ટ સવારના 5:30 વાગ્યા સુધી કેટલો વરસાદ નોંધાયો:

• વિક્રોલી: 194.5 mm
• સાન્તાક્રુઝ: 185.0 mm
• જુહુ: 173.5 mm
• ભાયખલ્લા: 67.0 mm
• બાંદ્રા: 157.0 mm
• કોલાબા: 79.8 mm
• મહાલક્ષ્મી:71.9 mm
• શાળા-કોલેજોબંધ

સોમવારે મુંબઈમાં ભારે વરસાદને કારણે ઘણા વિસ્તારોમાં પાણી ભરાઈ જવાની સમસ્યા થઈ હતી. જેના લીધે ટ્રાફિકની સમસ્યા પણ સર્જાઇ છે. BMC એ શહેરમાં બપોરના 12 પછી શરૂ થતી દરેક સ્કૂલોમાં અને કોલેજોમાં રજા જેર કરી દીધી છે. ત્યારબાદ મહાનગર પાલિકાએ ભારે વરસાદની આગાહી વચ્ચે આજે એટલે કે મંગળવારે પણ તમામ સ્કૂલો અને કોલેજોમાં રજા જાહેર કરી છે.

અધિકારીઓએ જણાવ્યું છે કે થાણે જિલ્લામાં કલ્યાણ પહાડી વિસ્તારોમાં ભારે વરસાદને કારણે ભુસ્ખલન થયું છે જેના લીધે ચાર ઘર અસર ગ્રસ્ત થયા છે જો કે કોઈ ઘાયલ થયું નથી. હવામાન વિભાગે જણાવ્યું છે કે થાણે અને પાલઘર જિલ્લાઓમાં 18-19 માટે રેડ એલર્ટ જાહેર કર્યા પછી અધિકારીઓએ મંગળવારે શાળાઓ અને કોલેજોમાં રજા જાહેર કરી છે.

વધુ વાંચો: મુંબઈમાં તો જાણે દશા બેઠી! જોતજોતામાં જ મકાન ધરાશાયી, મચ્યો રોકકળાટ

મુંબઈના હવામાન વિભાગએ 17-21 ઓગસ્ટ સુધી ભારે વરસાદની ચેતવણી આપી છે અને સંપૂર્ણ રીતે સતર્ક રહેવાની ચેતવણી આપી છે. નાંદેડ જિલ્લામાં સતત વરસાદને કારણે 200 થી વધુ લોકો પૂરમાં ફસાયા છે જેના જારને અધિકારીઓને બચાવ અને રાહત કાર્યો માટે સેનાને બોલાવવાની ફરજ પડી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ