આજે રાજસ્થાન રોયલ્સને પાંચ વિકેટે હરાવીને Mumbai Indians એ સિઝનની પહેલી જીત નોંધાવવાની સાથે કેપ્ટન Rohit Sharma બર્થડે ગિફ્ટ આપી છે. જો કે MI ઓલરેડી પ્લેઓફની રેસમાંથી બહાર છે.
મુંબઈ ઇન્ડિયન્સે ખોલાવ્યું ખાતું
નોંધાવી સિઝનની પહેલી જીત
રાજસ્થાન રોયલ્સને પાંચ વિકેટે હરાવ્યું
પ્લેઓફની રેસમાંથી બહાર
પાંચ વખતની ચેમ્પિયન અને હાલમાં પ્લેઓફની રેસમાંથી બહાર થઈ ગયેલી મુંબઈ ઈન્ડિયન્સે આખરે જીતનો સ્વાદ ચાખ્યો. તેણે રાજસ્થાન રોયલ્સને 5 વિકેટથી હરાવ્યું અને કેપ્ટન રોહિત શર્માને તેના જન્મદિવસના અવસર પર તેના જીતની ભેટ આપી હતી.
સૂર્યકુમાર યાદવે ફરી ઉગાર્યા
પ્રથમ બેટિંગ કરતા રાજસ્થાને 6 વિકેટે 158 રન બનાવ્યા હતા. જવાબમાં મુંબઈએ 5 વિકેટે 161 રન બનાવીને જીત મેળવી હતી. સૂર્યકુમાર યાદવ મેચનો હીરો રહ્યો, તેણે 39 બોલમાં 5 ચોગ્ગા અને 2 છગ્ગાની મદદથી 51 રન ફટકાર્યા, જ્યારે ટિમ ડેવિડે અણનમ 20 રન બનાવ્યા. ડેનિયલ સેમ્સે વિજેતા સિક્સ ફટકારી હતી.
અગાઉ, રાજસ્થાન રોયલ્સે ઈનફોર્મ જોસ બટલરના 52 બોલમાં 67 રનની મદદથી મુંબઈ ઈન્ડિયન્સ સામે 6 વિકેટે 158 રન બનાવ્યા હતા. બટલર, જોકે, શરૂઆતમાં એવો ફોર્મમાં લાગતો ન હતો પરંતુ પછીથી તેણે ઓફ-સ્પિનર રિતિક શોકીનને સતત ચાર છગ્ગા ફટકારીને રન-રેટ વધાર્યો હતો. તે 16મી ઓવરના છેલ્લા બોલ પર ડીપમાં કેચ આપી બેઠો હતો. અગાઉની મેચોમાં સારી ઇકોનોમીથી બોલિંગ કરનાર શોકીને આજે ત્રણ ઓવરમાં 47 રન આપ્યા, જેમાં છ છગ્ગાનો સમાવેશ થાય છે.
આજે રોહિત શર્માનો બર્થ ડે
સતત પરાજયની હારમાળા પછી આજે રોહિતને રાહતનો શ્વાસ લેવાનો અવસર તેના પોતાના બર્થ ડે ના દિવસે ટીમે આપ્યો છે જો કે તે પોતે માત્ર 2 રને જ આઉટ થઈ ગયો હતો અને આ વિજય છતાં ટીમ લગભગ હવે પ્લેઓફની રેસમાંથી બહાર થઈ ચૂકી છે માટે જીતથી ખાસ ફરક પડતો નથી.