કોરોના / 1.5 રૂપિયાની આ દવાથી કોરોનાના દર્દીઓને થઈ શકે છે લાભ, ડૉક્ટરોની આશા વધી

ધ સનમાં છપાયેલ રિપોર્ટ અનુસાર બ્રિટેનની પ્રમુખ સ્વાસ્થ્ય સંસ્થા નેશનલ હેલ્થ સર્વિસ પહેલાથી આ દવાનો ઉપયોગ કરી રહી છે. ડાયાબિટીસની સાથે-સાથે બ્રેસ્ટ કેંસર અને હૃદયની બિમારીમાં પણ આ દવાથી લાભ થવા અંગે વાત કરવામાં આવી રહી છે.                  

આ દવા ઘણી સસ્તી છે અને ભારતમાં Metformin 500 mg ની એક ટેબલેટની કિંમત 1.5 રૂપિયો છે. ટાઇપ 2 ડાયાબિટીસના ઇલાજ માટે 1950ના દાયકાથી આ દવાનો ઉપયોગ કરવામાં આવી રહ્યો છે. 

વૂહાનના ડોકટરોએ હાલમાં જ પોતાના અભ્યાસ પ્રકાશિતમાં જણાવ્યું હતું કે ડાયાબિટીસના પીડિત જે કોરોના સંક્રમિત થયા છે અને Metformin દવા લઇ રહ્યા હતા તેમાં મૃત્યુંનો દર, આ દવા નહીં લેનારા ડાયાબિટીસના દર્દીની સરખામણીએ ઓછો હતો.

ડોકટરોએ કોરોનાથી ગંભીર રીતે બિમાર પડેલા 104 દર્દીઓના ડેટાનો અભ્યાસ કર્યો જેમાં Metformin દવા લીધી હતી. આ દર્દીઓના ડેટાની સરખામણીએ કોરોનાના 179 અન્ય ગંભીર દર્દીઓ સાથે કરવામાં આવી. આ દરમિયાન ધ્યાન રાખવામાં આવ્યું કે જે દર્દીઓની સરખામણી કરવામાં આવી રહી છે તેઓની ઉંમર અને પુરષ કે સ્ત્રી કોણ છે. 

અભ્યાસ દરમિયા વુહાનના ડોકટરોને ખબર પડી કે Metformin લેનારા માત્ર 3 દર્દીઓના મૃત્યું થયા હતા, જ્યારે એટલાં જ ગંભીર 22 કોરોના દર્દીઓના મૃત્યું થયા જેમણે આ દવા લીધી નહોતી. કેટલાંક અભ્યાસ બાદ એ વાત સામી આવી કે મોટાપાનો શિકર જે લોડો ડાયાબિટિસથી પીડિત નથી, તેમને પણ વજન ઘટાડવા આ દવા મદદરૂપ બને છે. આ સાથે એ પણ અભ્યાસમાં સામે આવ્યું છે કે મોટાપાના શિકાર લોકોને કોરોનાથી વધારે તકલીફ થાય છે અને મૃત્યુંનો ખતરો વધારે રહે છે.