મુંબઇ એરપોર્ટ પર ગુરૂવારે એક મોટી દૂર્ઘટના ટળી ગઇ હતી. ઉડાન ભરવા સ્પાઇસ જેટનું વિમાન રન વે પર તૈયાર થયું ત્યારે એક શખ્સ અચાનક ત્યાં પહોંચી ગયો હતો. જો કે સીઆઇએસએફ દ્વારા તરત આ શખ્સની ધરપકડ કરવામાં આવી હતી.
એક મળતાં અહેવાલ મુજબ આ શખ્સ એરપોર્ટની દિવાલ કુદીને રન વે સુધી પહોંચી ગયો હતો. જો કે મળતી જાણકારી મુજબ આ વ્યક્તિની માનસિક સ્થિતિ ઠીક નહોતી. ત્યારબાદ આ શખ્સને તેના પરિવારને સોંપી દેવામાં આવ્યો હતો.
સ્પાઇસ જેટની ફલાઇટ જ્યારે ઉડાન ભરવા તૈયાર હતી ત્યારે જ અચાનક આ શખ્સ ફલાઇટની સામે આવી ગયો હતો. સીઆઇએસએફ (CISF) અને ડીજીસીએ (DGCA) દ્વારા ઘટનાની તપાસના આદેશ આપવામાં આવ્યાં છે.
આ અગાઉ ડીજીસીએ (DGCA) દ્વારા સ્પાઇસજેટના બંને પાઇલટના લાયસન્સ રદ્દ કરવામાં આવ્યા હતા. ડીજીસીએ(DGCA)એ આ કાર્યવાહી સ્પાઇસજેટની જયપુર-મુંબઇ ફલાઇટની દૂર્ઘટનાને લઇ કરી હતી. 1 જુલાઇના રોજ સ્પાઇસ જેટની ફલાઇટ SG-6237 મુંબઇ એરપોર્ટ પર લેન્ડિંગ સમયે રન વે પરથી ઉતરી ગઇ હતી. જો કે આ ઘટનામાં કોઇ જાનહાનિ થઇ નહોતી.
મુંબઈ એરપોર્ટ પર મોટી દુર્ઘટના ટળી છે. એરપોર્ટ પર રનવે પર અચાનક એક સનકી શખ્સ પહોંચી ગયો હતો. રનવે પર પ્લેન પહોંચ્યું હતું ત્યારે એક શખ્સ પ્લેનની સામે ચાલતો જઇ રહ્યો હતો તે નજરે પડ્યો હતો.
આ શખ્સ એરપોર્ટની દિવાલ કુદીને રનવે સુધી પહોંચ્યો હતો. જો કે CISFએ રનવે સુધી પહોંચેલા શખ્સને ઝડપી લીધો હતો. તપાસ દરમિયાન શખ્સ માનસિક રીતે અસ્થિર હોવાનું સામે આવ્યું હતું. તો આ મામલે CISF અને DGCA એ ઘટના મામલે તપાસના આદેશ આપ્યા હતા.