યુપીના મેરઠની એક મહિલાને વિદેશી મૂરતિયા સાથે લગ્ન કરવાના અભરખાં ખૂબ ભારે પડ્યાં. મેરઠની મહિલાના તાજેતરમાં અમેરિકાના કેલિફોર્નિયામાં રહેતા યુવાન સાથે થયાં હતા પરંતુ લગ્ન બાદ તેનું ખરુ રુપ સામે આવ્યું હતું.
વધુ વાંચો : સેક્સ ક્યારે કરવું સાસું કહેતી, પતિ કહેતો, 'તું મિત્ર સાથે સુઈ જા, હું તેની વાઈફ સાથે', પરિણીતાએ ખોલ્યો 'કાળો ખેલ'
દિલ્હીના યુવાને અમેરિકામાં પત્નીને દોસ્ત સાથે સુવાનું કહ્યું
કેલિફોર્નિયામાં રહેતા મૂળ દિલ્હીના યુવાને ત્યાંની નાગરિકતા મેળવવા માટે તેની પત્ની પર તેના મિત્ર સાથે સંબંધ બાંધવાનું દબાણ કર્યું. પતિએ તેના મિત્રને પણ પોતાનો રૂમ પાર્ટનર બનાવી લીધો હતો. તે પત્નીને વાઈફ સ્વેપિંગ ગ્રુપમાં જોડાવા માટે દબાણ કરતો હતો. જેના કારણે પરિણીત મહિલા માનસિક અને શારીરિક રીતે બીમાર બની ગઈ હતી. આથી તંગ આવીને મહિલા મેરઠ આવી ગઈ હતી અને પતિ તથા સાસરિયાઓ સામે ફરિયાદ નોંધાવી છે. પોલીસ આ મામલે તપાસ કરી રહી છે.
શું હતો કેસ
મેરઠના થાણા સિવિલ લાઈન્સ વિસ્તારની પોશ કોલોનીમાં એક વરિષ્ઠ ડોક્ટર તેના પરિવાર સાથે રહે છે. પરિણીત મહિલાએ આપેલી ફરિયાદ મુજબ તેના લગ્ન 14 જુલાઈ 2019ના રોજ દિલ્હીના શાસ્ત્રીનગરના એક યુવક સાથે થયા હતા. યુવક અમેરિકાના કેલિફોર્નિયામાં નોકરી કરે છે. 18 જુલાઈના રોજ સબ-રજિસ્ટ્રાર ઓફિસમાં લગ્નની નોંધણી પણ કરવામાં આવી હતી. આરોપ છે કે પીડિતાના પરિવારે લગ્નમાં 40 લાખ રૂપિયાનો ખર્ચ કર્યો હતો. જ્યારે પરિણીત મહિલા તેના સાસરે પહોંચી તો તેના સાસરિયાઓએ તેના માતા-પિતા પાસે 1 કરોડ રૂપિયાની માંગણી શરૂ કરી. આ રકમથી તે ફ્લેટ ખરીદવા માંગતો હતો. તેમની માંગણી ન સંતોષાતા સસરા, સાસુ, વહુ અને ભાભીએ પરિણીતાને ત્રાસ આપવાનું શરૂ કર્યું હતું.સાસરિયાઓ તરફથી થતી હેરાનગતિથી પરેશાન પરિણીતાએ પતિ સાથે અમેરિકા જવાની ઈચ્છા વ્યક્ત કરી હતી, પરંતુ પતિએ ના પાડી દીધી હતી. બાદમાં, તેના માતાપિતાના આગ્રહથી, તે 11 માર્ચ, 2020 ના રોજ પત્નીને લઈને કેલિફોર્નિયા પહોંચ્યો હતો તે જ્યાં રહેતો હતો તે રૂમમાં તેણે તેના એક મિત્રને પણ રાખ્યો હતો.
દોસ્ત સાથે સંબંધ બાંધીશ તો મને અમેરિકાની નાગરિકતા મળશે
પત્નીનો આરોપ છે કે પતિ તેના પર ભારતીય પોશાક સિવાયના કપડાં પહેરવાનું દબાણ કરી રહ્યો હતો. થોડા સમય પછી પતિએ કહ્યું કે તેના કેટલાક નજીકના મિત્રો અહીં પત્નીની અદલાબદલી કરીને શારીરિક સુખ માણે છે અને હું તને પણ એ જૂથમાં એડ કરવા માગું છું. પતિને વાત સાંભળીને પત્નીને આંચકો લાગ્યો હતો અને પતિની ગંદી ડિમાન્ડને વશ થવાનો ઈન્કાર કર્યો હતો. 25 માર્ચ 2020ના રોજ પતિ દવા લેવા ગયો હતો. આ દરમિયાન તેનો એક મિત્ર આવ્યો. તેણે તેની સાથે અશ્લીલ હરકતો કરી હતી. આ પછી પતિએ તેના મિત્રને ડિનર માટે બોલાવ્યો અને પત્ની પર તેની સાથે શારીરિક સંબંધ બાંધવાનું દબાણ કર્યું. પરિણીત મહિલાનો આરોપ છે કે પતિએ કહ્યું કે જો તેના મિત્ર સાથે સંબંધ હશે તો તેને અમેરિકન નાગરિકતા મળશે. પતિના સતત ત્રાસથી પરિણીત મહિલા બીમાર પડી હતી. જે બાદ તેણે તેના પતિને ભારત મોકલવા કહ્યું. આ પછી તે મેરઠ આવી ગઈ અને પોલીસ કેસ કર્યો હતો જે પછી તપાસ શરુ કરાઈ છે અને આરોપી પતિ તથા સાસરિયાની ધરપકડ કરાઈ હતી.
