હત્યાકાંડ / કમલેશ તિવારીનાં હત્યારાનું બ્રેઈન વોશ કરનાર મોહસીનનાં પરિવાર પાસે માત્ર ર૦૦ રૂપિયાનું બેન્ક બેલેન્સ

• માસ્ટર માઈન્ડ મૌલાનાં મોહસીનનાં પરિવારનું બેંક બેલેન્સ રૂ 200
• કમલેશ તિવારીની હત્યાનું ફંડિંગ કોણે કર્યું
• મૌલાનાં મોહસીનનું બેંક અકાઉન્ટ જ નથી

આ કાંડનું ફંડિંગ કોણે કર્યુ?

કમલેશ ‌તિવારી હત્યાંકાડને પ્લાનપ્રૂફ રીતે ઘડવામાં આવ્યો. તેનો ભેદ ગુજરાત એટીએસ અને ઉત્તરપ્રદેશ પોલીસે ઉકેલી દીધો છે, પરંતુ આ કાંડ કરવા માટે કોણે ફં‌ડિંગ કર્યું છે તે રહસ્ય હજુ સુધી અકબંધ છે. 

શું હત્યાં જેહાદી ષડ્યંત્રનાં ભાગરૂપે કરવામાં આવી છે?

કમલેશ તિવારીની હત્યાં કરનાર મોઈનુદ્દીન અને અશફાકને યુપી પોલીસ લખનોઉ લઈ ગઈ છે. તેમજ અન્ય તમામ આરોપી પણ લખનોઉ પોલીસની ‌કસ્ટડીમાં છે. કમલેશ તિવારીની હત્યા રાજની‌તિનો એક ભાગ છે કે પછી જેહાદી ષડ્યંત્રનાં ભાગરૂપે કરવામાં આવી છે? તે એક મોટો સવાલ ઊભો થયો છે. 

મૌલાનાએ બંન્ને હત્યારાનાં બ્રેઈન વોશ કર્યાં હતાં

પોલીસ તપાસમાં કમલેશ તિવારીએ વર્ષ ર૦૧પમાં મોહમ્મદ પેગંબર વિશે વિવાદાસ્પદ નિવેદન આપ્યું હતું. જેનો બદલો લેવાં માટે સુરતથી ઝડપાયેલાં કાવતરાખોર રાશિદ પઠાણ, મૌલાનાં મોહસીન અને ફૈઝાને જ જેહાદી ષડ્યંત્રનાં ભાગરૂપે બંને હત્યારાઓનાં બ્રેઇન વૉશ કરી હત્યા કરાવી હતી. 

મૌલાનાં સુરતનાં ઉમરગામની ઝુંપડપટ્ટીમાં રહે છે

પ્લાનપ્રૂફ રીતે આટલાં મોટા હત્યાકાંડને અંજામ આપવા માટે લાખો રૂપિયાનાં ફં‌‌ડિંગની જરૂર પડે તે ફં‌ડિંગ કોણે કર્યું છે. તે હજુ સુધી સામે આવ્યું નથી. પોલીસ તપાસમાં મોઈનુદ્દીન અને અશફાકનાં બ્રેઈનવોશ કરનાર ર૪ વર્ષીય મૌલાનાં મોહસીન છે. મોહસીન તેનાં ત્રણ ભાઈ અને માતા સાથે સુરતનાં ઉમરગામમાં આવેલ એક ઝૂંપડપટ્ટીમાં રહે છે. મોહસીનનું બેન્કમાં એકાઉન્ટ નથી. જ્યારે તેની માતા અને ભાઈનું બેન્કમાં એકાઉન્ટ છે. જેમાં માત્ર ર૦૦ રૂપિયાનું બેલેન્સ છે.