ભરૂચઃ શરદ પુનમ અને ચંદી પડવાની ઊજવણીના થનગનાટ વચ્ચે પરંપરા મુજબ 'માવા-ઘારી' બનાવવાનો ધમધમાટ ભરૂચમાં જોવા મળ્યો છે. ભારતીય ઉત્સવો અને તેહવારો સાથે ખાણી-પીણીનો વિશેષ મહિમા જોવા મળે છે. ઉત્તારાયણે જેમ ઉધીંયુ જલેબી દશેરાએ ફાફડા જલેબી શરદ પુનમે દુધ પૌઆ તે જ રીતે ચંદી પડવાની રાત્રીએ 'માવાઘારી' આરોગવાની પરંપરા ભરૂચ શહેર સહિત સમગ્ર દક્ષિણ ગુજરાતમાં વર્ષોથી જોવા મળે છે.
આશરે અઠી હજાર કિલોગ્રામથી પણ વધુ માવાઘારી બનાવી ફાટા તળાવ રાણા પંચ દ્વારા સ્વાદ શોખીનોને તે વેચવામાં આવે છે. જે માટેના ઓર્ડર કેટલાઈ દિવસો પહેલા જ બુક થઈ ચુક્યા છે. રૂ.૫૨૦ના ભાવે એક કિલોગ્રામ માવાઘારીનું વિતરણ કરવામાં આવ્યુ છે. શીતળ ચાંદનીમાં માવાઘારીની લિજ્જત લોકો માણશે.
નવરાત્રીના સમાપન બાદ દશેરાએ ફાફડા જલેબીની જયાફત ઉડાવ્યા બાદ હવે શરદ પુનમ અને ચંદી પડવાની શીતળ ચાંદનીની મજા માણવા સ્વાદ શોખીન ઉત્સાહ પ્રેમીઓ આયોજનો કરી રહ્યા છે. ભરૂચમાં સૌથી મોટા પાયે ફાટાતળાવ રાણા પંચ દ્વારા છેલ્લા ત્રીસ કરતા પણ વધુ વર્ષોથી માવાઘારીનું વેચાણ કરી સમાજ ઉત્પનનું અનેરુ કાર્ય કરવામાં આવે છે. ભરૂચના ભક્તેશ્વર હોલ ખાતે છેલ્લા એક અઠવાડીયાથી રાણા સમાજના આશરે ૭૦ જેટલા સ્વયંસેવક કાર્યકરો શુધ્ધતાથી માવાઘારી બનાવવામાં વ્યસ્ત જોવા મળી રહ્યા છે. આશરે અઢી હજાર કિલોગ્રામથી પણ વધુ માવાઘારી બનાવી ફાટા તળાવ રાણા પંચ દ્વારા સ્વાદ શોખીનોને તે વેચવામાં આવે છે. જે માટેના ઓર્ડર કેટલાઈ દિવસો પુર્વેજ બુક થઈ ચુક્યા છે.
ભરૂચ ફાટાતળાવ રાણા પંચના પ્રમુખ સનતભાઈ રાણાના જણાવ્યા અનુસાર સમાજ ઉત્પન માટેના આ સેવાકાર્યમાં સમાજના કાર્યકરો નિસ્વાર્થ ભાવે સેવા આપે છે. મોંઘવારીના કારણે આ વર્ષે માવાઘારીના ભાવમાં ચાર ટકા જેટલો મામુલી ભાવ વધારો કરવો પડ્યો છે. રૂ. ૫૨૦ ના ભાવે એક કિલોગ્રામ માવાઘારીનું વિતરણ કરવામાં આવતુ હોવાનુ કહ્યું હતું.
ભરૂચના ફાટાતળાવ રાણા પંચે માવાઘારીના વેચાણમાં ઝંપલાવતી એક સમયે સુરતથી માવાઘારી લાવતા લોકો હવે ભરૂચ માંથી જ તે ખરીદવા તરફ વળ્યા છે. જે હકીકત છે. ભરૂચમાં અન્યત્ર મિઠાઈ વિક્રેતાઓએ પણ માવાઘારીના વેચાણ માટી સજ્જ થયા છે. તો સ્વાદ શોખીનો પણ તેઓના આયોજનને અંતિમ ઓપ આપી શીતળ ચાંદનીમાં માવાઘારી ની લિજ્જત માણવા ઉતાવળા બન્યા છે.
