NULL / બાબા રામદેવે પેટ્રોલ-ડીઝલ પર આપી ફોર્મ્યૂલા સરકાર રજા આપે તો 35 રૂપિયે લીટર વેચીશું પેટ્રોલ

યોગ ગુરૂ બાબા રામદેવે દાવો કર્યો છે કે જો સરકાર તેમને રજા આપે તો તેઓ દેશમાં રૂ. 35 થી 40 રૂપિયે લીટર પેટ્રોલ ડીઝલ વેચશે. દેશમાં જ્યાં પેટ્રોલના ભાવ પ્રતિ લીટરે 90 રૂપિયાએ પહોંચ્યા છે ત્યારે બાબા રામદેવે માગ કરી છે કે પેટ્રોલ ડીઝલને GSTના ન્યૂનત દર એટલે કે પાંચ ટકા દરથી સામેલ કરવામાં આવે. 

બાબા રામદેવનું કહેવું છે કે હાલના સમયમાં પેટ્રોલ ડીઝલનો ભાવ સામાન્ય નાગરિકોના ખિસ્સા ખાલી કરી રહ્યા છે.  GSTમાં જો 28 ટકાના ટેસ પર પેટ્રોલ ડીઝલને સામેલ કરવામાં આવે તો સામાન્ય માણસને પણ રાહત નહીં મળે. 

જો પેટ્રોલ ડીઝલ પર ટેક્સ ઓછો કરવાથી સરકારી તિજોરી પર ભારણ વધતુ હોય તો તેની ભરપાઈ માટે દેશના ધનાઢ્ય લોકો પાસેથી વધુ ટેક્સ વસૂલી શકે છે.   

દેશમાં સતત વધતા પેટ્રોલ ડીઝલની કિંમતોમાં મોદી સરકારની સામે કડક પડકારો ફેંકવામા આવ્યા છે. એક તરફ જ્યાં વૈશ્વિક મુદ્રા બજારમાં સતત ડોલરની સરખામણીમાં રૂપિયાની તાકાત ઓછી થઇ રહી છે તો બીજી બાજુ નબળા રૂપિયાના કારણે  મોંધા ક્રૂડ ઓઇલને ખરીદવા માટે વધારે ડોલરનો ખર્ચ કરવો પડી રહ્યો છે. 

નોંધનીય છે કે જો મોદી સરકાર પેટ્રોલ ડીઝલ પર એક્સાઇઝ ડ્યૂટીમાં માત્ર 1 રૂપિયામાં કાપ મૂકે છે તો કેન્દ્રીય સરકતારી તિજોરીને 14000 કરોડ રૂપિયાનું નુકસાન થાય છે. આ નુકસાનથી કેન્દ્ર સરકાર માટે નાણાકીય નુકસાનને જીડીપીના 3.3 ટકા લક્ષ્ય પર રાખવું અશક્ય થઇ જશે. 

1 ક્લિક પર જોડાવો VTV ના સોશિયલ એકાઉન્ટ્સ સાથે...

તાજા સમાચારો મેળવવા ફોલો કરો Vtv Twitter એકાઉન્ટ
લાઇક કરો Vtv Facebook પેજ
ફોલો કરો Vtv Instagram એકાઉન્ટ
સબ્સક્રાઇબ કરો Vtv YouTube ચેનલ