બીજા તબક્કાના મતદાન માટે 1,13,325 અધીકારીઓ-કર્મચારીઓ ફરજ પર તહેનાત, 29,062 પ્રિસાઇડિંગ ઓફિસર અને 84,263 પોલિંગ સ્ટાફ છે.
આજે બીજા તબક્કા માટે મતનો મહાસંગ્રામ
26,409 મતદાન મથકો પર વોટિંગની વ્યવસ્થા
1,13,325 અધીકારીઓ-કર્મચારીઓ ફરજ પર તહેનાત
આજે 5મી ડિસેમ્બરે 14 જિલ્લામાં 93 બેઠકો માટે 26,409 મતદાન મથકો પર મતદાન થશે. વિશ્વની સૌથી મોટી લોકશાહીનો આ અવસર સાંગોપાંગ પાર પાડવા અનેક કર્મચારીઓ અને અધિકારીઓ અત્યંત જવાબદારીપૂર્વક પોતાની ફરજ બજાવી રહ્યા છે. બીજા તબક્કામાં 1,13,325 કર્મચારીઓ-અધિકારીઓ ફરજ બજાવી રહ્યા છે. જેમાં 29,062 પ્રિસાઇડિંગ ઓફિસર અને 84,263 પોલિંગ સ્ટાફ છે. મતદાનના આગળના દિવસે, રવિવારે જ આ તમામ સ્ટાફ પોતાની ફરજ પર હાજર થઈ ગયો છે. ત્યારે બીજી તરફ ઉત્તર અને મધ્ય ગુજરાતમાં કેટલાય મોટામાથાઓનું રાજકીય ભવિષ્ય પર આજે લોકો મહોર મારશે.
જુઓ આજે કઈ-કઇ હોટ બેઠક પર કયા ઉમેદવારો સામસામે?
PHASE 2
ગુજરાત વિધાનસભા ચૂંટણીનું બીજા તબક્કાનું મતદાન
7
બનાસકાંઠા
વાવ
સ્વરુપજી ઠાકોર
ગેનીબેન ઠાકોર
ડો. ભીમ પટેલ
8
બનાસકાંઠા
થરાદ
શંકર ચૌધરી
ગુલાબસિંહ રાજપૂત
વિરચંદ ચાવડા
11
બનાસકાંઠા
વડગામ(SC)
મણિભાઈ વાઘેલા
જિગ્નેશ મેવાણી
દલપત ભાટિયા
16
પાટણ
રાધનપુર
લવિંગજી ઠાકોર
રઘુ દેસાઇ
લાલજી ઠાકોર
22
મહેસાણા
વિસનગર
ઋષિકેશ પટેલ
કિરીટ પટેલ
જયંતી પટેલ
32
અરવલ્લી
બાયડ
ભીખી પરમાર
મહેન્દ્રસિંહ વાઘેલા
ચુનીભાઈ પટેલ
35
ગાંધીનગર
ગાંધીનગર સાઉથ
અલ્પેશ ઠાકોર
હિમાંશુ પટેલ
દોલત પટેલ
39
અમદાવાદ
વિરમગામ
હાર્દિક પટેલ
લાખા ભરવાડ
અમરીશ ઠાકોર
41
અમદાવાદ
ઘાટલોડિયા
ભૂપેન્દ્ર પટેલ
અમી યાજ્ઞિક
વિજય પટેલ
52
અમદાવાદ
જમાલપુર-ખાડિયા
ભૂષણ ભટ્ટ
ઈમરાન ખેડાવાલા
હારુન નાગોરી
57
અમદાવાદ
દસક્રોઈ
બાબુ જમના પટેલ
ઉમેદી બુધાજી ઝાલા
કિરણ પટેલ
25
મહેસાણા
મહેસાણા
મુકેશ પટેલ
પીકે પટેલ
ભગત પટેલ
29
સાબરકાંઠા
ખેડબ્રહ્મા
અશ્વિન કોટવાલ
તુષાર ચૌધરી
બિપિન ગામેતી
40
અમદાવાદ
સાણંદ
કનુ પટેલ
રમેશ કોળી
કુલદીપ વાઘેલા
55
અમદાવાદ
દરિયાપુર
કૌશિક જૈન
ગ્યાસુદ્દીન શેખ
તાજ કુરૈશી
59
અમદાવાદ
ધંધુકા
કાળુભાઇ ડાભી
હરપાલસિંહ ચુડાસમા
ચંદુ બમરોલિયા
110
આણંદ
આંકલાવ
ગુલાબસિંહ પઢિયાર
અમિત ચાવડા
ગજેન્દ્ર સિંહ
111
આણંદ
ઉમરેઠ
ગોવિંદ પરમાર
જયંત બૉસ્કી
અમરીશ પટેલ
124
પંચમહાલ-1
શહેરા
જેઠા ભરવાડ
ખાતુભાઈ પગી
તખતસિંહ સોલંકી
141
વડોદરા-4
વડોદરા સિટી- SC-12
મનીષા વકીલ
ગુણવંત પરમાર
જિગર સોલંકી
142
વડોદરા-5
સયાજીગંજ
કેયૂર રોકડિયા
અમી રાવત
સ્વેજલ વ્યાસ
145
વડોદરા-8
માંજલપુર
યોગેશ પટેલ
તશ્વિન સિંહ
વિનય ચૌહાણ
138
છોટાઉદેપુર-2
જેતપુરપાવી- ST-12
જયંતી રાઠવા
સુખરામસિંહ રાઠવા
રાધિકા રાઠવા
137
છોટાઉદેપુર-1
છોટાઉદેપુર-ST-11
રાજેન્દ્રસિંહ રાઠવા
સંગ્રામસિંહ રાઠવા
અર્જુન રાઠવા
મતદાનની તારીખ: 05-12-2022 સમયઃ સવારે 08.00 થી સાંજે 05.00
કેટલા જિલ્લામાં મતદાન યોજાશેઃ 14 (ઉત્તર ગુજરાત અને મધ્ય ગુજરાત)
કેટલી બેઠક માટે મતદાનઃ 93
કેટેગરીવાઈઝ બેઠકોઃ 74 જનરલ
06 અનુસુચિત જાતિ
13 અનુસુચિત જનજાતિ
કુલ ઉમેદવારોઃ 833
764 પુરૂષ ઉમેદવાર
69 મહિલા ઉમેદવાર
ઉમેદવારઃ ક્યાં વધારે? ક્યાં ઓછા?: સૌથી વધુ ઉમેદવારો
49-બાપુનગર (29 ઉમેદવારો)
સૌથી ઓછા ઉમેદવારો
28-ઈડર (03 ઉમેદવારો)
વેબકાસ્ટીંગ થનાર મતદાન મથકોઃ 13,319 મતદાન મથકો
EVM-VVPAT: 37,395 BU,
36,016 CU અને 39,899 VVPAT
દીકરીની સગાઈ પતાવીને પ્રાધ્યાપિકા પ્રિસાઈડિંગ ઑફિસર તરીકે હાજર થઈ ગયા
મતદાનના પ્રથમ તબક્કામાં અનેરો આનંદ આપે એવી એક ઘટના પ્રકાશમાં આવી હતી. સુરેન્દ્રનગર જિલ્લાના ધ્રાંગધ્રા તાલુકાના ભરાડા ગામની પ્રાથમિક શાળામાં ઉભા કરાયેલા મતદાન મથકમાં જેમને જવાબદારી સોંપાઈ હતી તે ચૂંટણી સ્ટાફ ફરજ બજાવવા ગયો ત્યારે એ શાળાના ઓરડાના બોર્ડ પર આગંતુક ચૂંટણી કર્મચારીઓને આવકારતી એક સૂચના તે સ્કૂલના શિક્ષકોએ લખી રાખી હતી. જેમાં તેમણે લખ્યું હતું, "શ્રી ભરાડા પ્રાથમિક શાળા આપનું હાર્દિક સ્વાગત કરે છે. બુથ-1 અને બુથ-2 ની વચ્ચે લોખંડના દરવાજાવાળા રૂમમાં પાણી-શેતરંજી-ગાદલા વગેરેની સુવિધા રાખેલ છે. જે તમારો ઉતારા રૂમ છે. સામે પાણીની પરબ પાછળ ગરમ પાણી માટેની તમામ વ્યવસ્થા કરેલ છે. (ચુલાની બાજુમાં દિવાલની તિરાડમાં માચીસ છે) કેટલી કાળજી...!!! બીજી તરફ વડોદરાની એમ.એસ. યુનિવર્સિટીમાં ફેકલ્ટી ઑફ ટેકનોલોજીમાં મદદનીશ પ્રાધ્યાપિકા તરીકે ફરજ બજાવતા નિમિષાબેન પાઠક પતિના અવસાન પછી પરિવારની સઘળી જવાબદારી સંભાળી રહ્યા છે. આજે ઘેર દીકરીના સગપણનો પ્રસંગ હતો. આ કારણ આગળ ધરીને તેઓ ચૂંટણીની ફરજમાંથી મુક્તિ મેળવી શક્યા હોત, પણ તેમણે આમ ન કર્યું. એટલું જ નહીં, આજે દીકરીની સગાઈ પતાવીને સીધા જ તેઓ અકોટા વિધાનસભા મત વિભાગમાં પ્રિસાઇડિંગ ઓફિસર તરીકેની લોકશાહીના આ મહાપર્વની પોતાની ફરજમાં જોડાઈ ગયા છે. નિમિષાબેન પાઠક તો એક ઉદાહરણમાત્ર છે. આવા અનેક અધિકારીઓ અને કર્મચારીઓ પોતપોતાની અંગત જવાબદારીઓને બાજુએ મૂકીને ઉત્સાહપૂર્વક ચૂંટણી કામગીરીમાં જોડાઈ ગયા છે.