કોરોના વાયરસ / ગુજરાત હાઈકોર્ટમાં 7 કર્મચારીઓને કોરોના પોઝિટિવ આવતા લેવાયો આ મહત્વનો નિર્ણય

• ગુજરાત હાઇકોર્ટ આગામી 3 દિવસ સુધી બંધ
• હાઈકોર્ટના 7 કર્મી કોરોનાગ્રસ્ત થતા લીધો નિર્ણય
• 8 અને 9 જુલાઈના કેસોની સુનવણી 13, 14 જુલાઈએ થશે

ગુજરાત હાઇકોર્ટમાં 6 કર્મી અને એક પોલીસ કોન્સ્ટેબલ સહિત કુલ 7 કર્મીઓનો કોરોના રિપોર્ટ પોઝિટિવ આવ્યો છે. આરોગ્ય સેતુ એપના આધારે હાઈકોર્ટના કર્મીઓનું ટેસ્ટિંગ કરાયું હતું. જેમાં 7 કર્મીઓ કોરોના પોઝિટિવ નોંધાતા સાવચેતીના ભાગરૂપે આગામી 3 દિવસ હાઈકોર્ટ બંધ રહેશે. 

હાલ હાઇકોર્ટની બિલ્ડિંગ સહિત હોલ અને સંકુલને સેનેટાઈઝ કરવાની કામગીરી હાથ ધરવામાં આવશે. જ્યારે 8 અને 9 જુલાઈના કેસોની સુનવણી 13 અને 14 જુલાઈએ થશે.

હાલ શું છે અમદાવાદમાં કોરોનાની સ્થિતિ?

છેલ્લા 24 કલાકમાં અમદાવાદમાં 187 કેસ નોંધાયા છે. જેમાં અમદાવાદ કોર્પોરેશનમાં 172 અને અમદાવાદ જિલ્લામાં 15 કેસ નોંધાયા છે. આ સાથે અમદાવાદમાં કોરોનાનો કુલ આંકડો 22,262 પર પહોંચ્યો છે. અમદાવાદમાં આજે 124‬ દર્દીઓ સ્વસ્થ થયા છે. જેને લઇને કુલ સ્વસ્થ થયેલા દર્દીઓનો આંકડો 17,079 પર પહોંચ્યો છે. અમદાવાદમાં આજે 7 દર્દીઓના મોત થયા છે, જેની સાથે અમદાવાદનો કોરોનાથી મૃત્યુઆંક 1498‬ પર પહોંચ્યો છે. હાલ અમદાવાદમાં 3675 એક્ટિવ કેસ છે.