ચૂંટણી પરિણામ / રાજકોટના વેજામાં પિતરાઈ ભાઈએ જ પિતરાઈ ભાઈને હરાવ્યો, તો હળવદના નવા વેગડવાવમાં ટાઇ પડી

Gram Panchayat Election Results : આજે ગ્રામપંચાયતની ચૂંટણીના પરિણામો જાહેર થવાના છે. આ તરફ હવે મોરબી જિલ્લામાં ગ્રામ પંચાયત ચૂંટણી પરિણામ સામે આવ્યું છે. આજે હળવદના નવા વેગડવાવ ગામે મતગણતરીના અંતે વોર્ડ નંબર 2માં ટાઈ પડી હતી. જેમાં નવા વેગડાવાવ ગામે બને ઉમેદવાર ને 38-38 સરખા મત મળતા ટાઇ થઈ હતી. જે બાદમાં ચિઠ્ઠી ઉછાળી ઉમેદવાર નક્કી કરવાની કામગીરી હાથ ધરાઈ છે. આ કામગીરીને અંતે અલ્પાબેન દિપકભાઈ મકવાણા વિજય જાહેર થયા છે.

પિતરાઈ ભાઈ સામે જ પિતરાઈ ભાઈએ લડી હતી ચૂંટણી

રાજકોટમાં ગ્રામ પંચાયત ચૂંટણીનું પરિણામ સામે આવ્યું છે. વાસ્તવમાં આજે રાજકોટ તાલુકાના વેજા ગામમાં સરપંચનું પરિણામ જાહેર થયું હતું. જેમાં યોગેન્દ્રસિંહ જાડેજા વિજેતા જાહેર થયા છે. વિગતો મુજબ પિતરાઈ ભાઈ સામે જ પિતરાઈ ભાઈએ ચૂંટણી લડી હતી. જેમાં હવે લકીરાજસિંહ જાડેજાને હરાવીને યોગેન્દ્ર સિંહ સરપંચ બન્યા છે.

ગુજરાતમાં 22 જૂન 2025 અને રવિવારના રોજ ગ્રામ પંચાયતની ચૂંટણી યોજાઇ હતી. જોકે હવે આજે આ ગ્રામપંચાયતની ચૂંટણીના પરિણામો જાહેર થવાના છે. જેમાં કુલ 239 સ્થળો પર મત ગણતરી હાથ ધરાઇ છે. આ માટે મત ગણતરીના સ્થળો પર કોઈ અનિચ્છનીય બનાવ ના બને તે માટે 14231 પોલીસ કર્મચારીઓ તૈનાત છે. જે સવારે 9 વાગ્યાથી મત ગણતરીનું કાર્ય હાથ ધરાઇ છે.

આ પણ વાંચો : રીબડામાં અનિરુદ્ધસિંહ જાડેજાના પુત્રએ રોલો પાડી દીધો, જુઓ કેટલા મતથી વિજેતા જાહેર થયા

નોંધનીય છે કે, કડી તથા વિસાવદર વિધાનસભાની પેટા ચૂંટણીઓને ધ્યાને રાખીને કડી વિધાનસભાના કડી અને જોટાણા તાલુકાની ગ્રામ પંચાયતો, તેમજ વિસાવદર વિધાનસભાના ભેંસાણ, વિસાવદર, જૂનાગઢ ગ્રામ્ય તથા બગસરા તાલુકાઓમાં આવતી તમામ ગ્રામ પંચાયતોની ચૂંટણીઓ રદ્દ કરવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ