આજે ગુજરાતની 182 બેઠકોનું આજે પરિણામ છે. ત્યારે સૌ કોઇની નજર આજે ગુજરાતની કેટલીક હોટ સીટો પર છે જેવી કે ગોંડલ, કુતિયાણા, ખંભાળિયા. ત્યારે સાંજ સુધીમાં ગુજરાતમાં પુનરાવર્તન થશે કે પરિવર્તન તેનું ચિત્ર સ્પષ્ટ થઇ જશે.
ગુજરાત વિધાનસભાની 182 બેઠકોનું આજે ચૂંટણી પરિણામ છે. જેમાં 1621 ઉમેદવારોનું આજે રાજકીય ભાવિ નક્કી થશે. મહત્વનું છે કે, 1 ડિસેમ્બરે સૌરાષ્ટ્ર-કચ્છ અને દક્ષિણ ગુજરાતની 89 સીટો જ્યારે 5 ડિસેમ્બરે ઉત્તર ગુજરાત અને મધ્ય ગુજરાતની 93 સીટો પર મતદાન થયું હતું. આ વિધાનસભા ચૂંટણીમાં સરેરાશ 64.33% મતદાન થયું હતું. આજે રાજ્યભરના કુલ 37 કેન્દ્રો પર મતગણતરી હાથ ધરાશે. ત્યારે અહીં નીચે અપડેટ વિગત સાથે જોતા રહીશું કે ગુજરાતની 182 બેઠકોમાંથી કઇ બેઠક પર કોણ આગળ અને કોની જીત થઇ?