ગુજરાત ચુંટણીને લઇને પ્રથમ તબક્કામાં સાંજે પાંચ વાગ્યા સુધીમાં 19 જિલ્લાની 89 બેઠકો પર અંદાજે સરેરાશ 58.90 ટકા મતદાન નોંધાયું છે.
વિધાનસભામાં પ્રથમ તબક્કાનું મતદાન પૂર્ણ
પ્રથમ તબક્કામાં અંદાજે 58.90 ટકા જેટલું મતદાન રહેવાની સંભાવના
788 ઉમેદવારોનું ભાવી EVMમાં સીલ
ગુજરાત વિધાનસભા ચૂંટણીમાં પ્રથમ તબક્કાનું મતદાન પૂર્ણ થયું છે જેમાં સવારે આઠ વાગ્યાથી સાંજે પાંચ વાગ્યા સુધીમાં 19 જિલ્લાની 89 બેઠકો પર અંદાજે સરેરાશ 58.90 ટકા મતદાન નોંધાયું છે. જેને લઇને આ બેઠક પરના 788 ઉમેદવારોનું ભાવી EVMમાં સીલ થઈ ચૂંક્યુ ગયુ છે. જ્યારે સૌરાષ્ટ્ર-કચ્છની 54 બેઠક પર શાંતિપૂર્ણ માહોલમાં મતદાન યોજાયું હતું. સૌરાષ્ટ્ર-કચ્છની 54 બેઠક પર સંભવિત 54.53 ટકા મતદાન નોંધાયું છે.
રાજ્યના 19 જિલ્લાની 89 બેઠકો પર મતદાન પૂર્ણ
પ્રથમ તબક્કામાં આજે રાજ્યના 19 જિલ્લાની 89 બેઠકો પર મતદાન પૂર્ણ થયું છે. અંદાજે 58.90 ટકા જેટલું મતદાન થયું હોવાની સંભાવના છે. આ દરમિયાન સૌરાષ્ટ્રમાં ઓછું અને આદિવાસી બેલ્ટમાં ભારે મતદાન થયું હોવાનું આંકડા દર્શાવી રહ્યા છે. સંભવિત આંકડા પર નજર કરીએ તો સૌથી વધારે તાપી જિલ્લામાં 75 ટકા મતદાન નોંધાયુ છે. જ્યાંરે સૌથી ઓછું કચ્છ જિલ્લામાં 50 ટકા મતદાન નોંધાવવાની સંભાવના રહેલી છે. બીજી બાજુ આંદાજીત આંકડા મુજબ સુરતમાં 57 ટકા, ડાંગમાં 70 ટકા, તો નર્મદામાં અંદાજે 65 ટકા જેટલું મતદાન થવાની સંભાવના રહેલી છે.
પ્રથમ તબક્કામાં એકંદરે શાંતિ પૂર્ણ મતદાન નોંધાયું
વધુમાં સંભવિત આંકડા મુજબ જામનગર અને દ્રારકામાં અંદાજે 55 ટકા, ગીર સોમનાથમાં 62 ટકા મતદાન, જૂનાગઢમાં 55 ટકા, બોટાદમા 56 ટકા મતદાન, અમરેલીમાં 55 ટકા, સુરેન્દ્રનગરમાં 60 ટકા અને રાજકોટમાં 55 ટકા, મોરબીમાં 63 ટકા મતદાનની સંભાવના રહેલી છે. એજ રીતે ભરુચમાં 63 ટકા, નર્મદામાં 75 ટકા, નવસારીમાં 65 ટકા, ડાંગમાં 70 ટકા અને વલસાડમાં 64 ટકા મતદાન થયું હોવાનું જાણવા મળી રહ્યું છે. જોકે આ 5 વાગ્યા સુધીના સંભવિત આકડા છે. જ્યાંરે 7 વાગ્યા બાદ સત્તાવાર રીતે જાહેરાત કરવામાં આવશે. વર્ષ 2022 માં મતદાન ટકાવારી (આંકડા સતત અપડેટ થઇ રહ્યા છે.)\