સાવધાન / LPG Booking નો એક મેસેજ તમને બનાવી શકે કંગાળ! ખુદ સરકારે કર્યું એલર્ટ જાહેર

દેશમાં LPG સપ્લાય અંગે વધતી ચિંતાઓ વચ્ચે, એક નવું ઓનલાઈન કૌભાંડ ઝડપથી ફેલાઈ રહ્યું છે. ભારતીય સાયબર ક્રાઈમ કોઓર્ડિનેશન સેન્ટર (I4C) જેને CyberDost તરીકે ઓળખવામાં આવે છે, એ આ ધમકી અંગે ચેતવણી જારી કરી છે. કૌભાંડીઓ નકલી LPG બુકિંગની આડમાં લોકોના ડર અને ઉતાવળનો ઉપયોગ કરીને તેમને છેતરપિંડી કરી રહ્યા છે. આ કૌભાંડ એટલી ચાલાકીથી ચલાવવામાં આવી રહ્યું છે કે સામાન્ય યૂઝર્સ અસલી અને નકલી વચ્ચે ભેદ પાડી શકતા નથી. સરકારે સ્પષ્ટપણે કહ્યું છે કે થોડી સાવધાની રાખીને, તમે પોતાને નોંધપાત્ર નાણાકીય નુકસાનથી બચાવી શકો છો.

Fake LPG booking scams से सतर्क रहें।

Urgent booking, discount offers या panic messages के माध्यम से scammers लोगों को trap कर रहे हैं - fake links, apps और QR codes के ज़रिए उनसे payment और personal details ली जा रही हैं।#LPGScamAlert #OnlineFraud #CyberSafetyIndia #ScamAware pic.twitter.com/l4UUEhIlo4

— CyberDost I4C (@Cyberdost) March 31, 2026

CyberDost I4C એ પોતાની એક્સ પોસ્ટ પર કહ્યું , “Fake LPG booking scams થી સતર્ક રહ્યા. Urgent booking, discount offers કે panic messages ની માધ્યમથી scammers લોકોનો trap કરી રહ્યા છે- fake links, apps અને QR codes દ્વારા તેમના payment અને personal details લેવામાં આવી રહી છે.”

કેવી રીતે ફેલાઇ રહી છે એલપીજી બુકિંગ સ્કેમ

LPG બુકિંગ કૌભાંડ એવા સમયે આચરવામાં આવી રહ્યું છે જ્યારે લોકોને ગેસ સિલિન્ડરની સૌથી વધુ જરૂર છે. સ્કેમર્સ SMS, WhatsApp અને સોશિયલ મીડિયા દ્વારા મેસેજ મોકલે છે કે ગેસની અછત છે અને જો તાત્કાલિક બુકિંગ નહીં કરવામાં આવે તો સિલિન્ડર ઉપલબ્ધ નહીં થાય. આવા મેસેજ માત્ર ડર જ નહીં પરંતુ ડિસ્કાઉન્ટ ઓફર દ્વારા યૂઝર્સને લલચાવે છે. યૂઝર એક લિંક મોકલવામાં આવે છે જે વાસ્તવિક વેબસાઇટ જેવી જ દેખાય છે. પરિણામે લોકો તેના પર વિશ્વાસ કરે છે અને તેના પર ક્લિક કરે છે. યૂઝર્સ લિંકની મુલાકાત લેતાની સાથે જ, તેમને પેમેન્ટ કે અંગત વિગતો અથવા વ્યક્તિગત માહિતી પ્રદાન કરવા માટે કહેવામાં આવે છે - અને અહીંથી જ સ્કેમની શરૂ થાય છે.

ક્લિક કરતા જ ખાલી થાય છે તમારુ એકાઉન્ટ

યૂઝરે ફ્રોડ લિંક પર ક્લિક કરે છે કે તરત જ, તેમને પેમેન્ટ કરવાનું કહેવામાં આવે છે - દેખીતી રીતે LPG બુકિંગ માટે - અથવા તેમનો OTP, ATM PIN અને બેંક વિગતો દાખલ કરવાનું કહેવામાં આવે છે. ઘણા કિસ્સાઓમાં, તેમને QR કોડ સ્કેન કરવાની પણ સૂચના આપવામાં આવે છે. જે ક્ષણે યૂઝર આ માહિતી શેર કરે છે, તેમના બેંક ખાતામાંથી ભંડોળ ઉપાડી લેવામાં આવે છે. ત્યારબાદ ન તો કોઈ બુકિંગ પ્રક્રિયા કરવામાં આવે છે, ન તો સિલિન્ડર પહોંચાડવામાં આવે છે. આ આખી યોજના ફક્ત યૂઝર્સના ડેટા અને પૈસા ચોરવા માટે જ ઘડવામાં આવી છે. તેથી, કોઈપણ અજાણી લિંક્સ, APK ફાઇલો અથવા QR કોડ્સથી દૂર રહેવું ખૂબ જ મહત્વપૂર્ણ છે; નહીં તો નાની ભૂલ પણ નોંધપાત્ર નાણાકીય નુકસાનમાં પરિણમી શકે છે.

આ પણ વાંચોઃ એપ્રિલનો પહેલો દિવસ બન્યો 'મોંઘવારી-ડે'! LPG, ATM સહિત આ 5 ચીજવસ્તુઓ કરશે ખિસ્સાં ખાલી

સરકારની સલાહ સ્કેમથી કેવી રીતે બચવુ

સરકારે આ સ્કેમથી બચવા માટે કેટલીક આવશ્યક સાવચેતીઓની રૂપરેખા આપી છે. સૌ પ્રથમ હંમેશા તમારા ગેસને ફક્ત ઓફિશિયલ પ્લેટફોર્મ દ્વારા જ બુક કરો - જેમ કે ઇન્ડેન, એચપી ગેસ અને ભારત ગેસની વેબસાઇટ્સ અથવા એપ્લિકેશન્સ. કોઈપણ અજાણી લિંક્સ પર ક્લિક કરવાનું ટાળો, અને ફક્ત એપલ એપ સ્ટોર અથવા ગૂગલ પ્લે સ્ટોર પરથી જ એપ્લિકેશન્સ ડાઉનલોડ કરો.ક્યારેય પણ તમારા OTP, PIN, કે બેંકની વિગતો કોઈની સાથે શેર કરશો નહીં. જો કોઈ સંદેશ શંકાસ્પદ લાગે, તો સીધો તમારી ગેસ એજન્સીનો સંપર્ક કરો. થોડી તકેદારી તમને આ મોટા સાયબર ફ્રોડથી બચાવી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ