એક્શન / નેશનલ હેરાલ્ડ કેસમાં ED આજે સોનિયા ગાંધીની કરશે પૂછપરછ, ગુજરાત સહિત દેશભરમાં પ્રદર્શનો કરશે કોંગ્રેસ

• નેશનલ હેરાલ્ડ કેસમાં ED આજે સોનિયા ગાંધીની પૂછપરછ કરશે
• બીજી તરફ કોંગ્રેસ અધ્યક્ષ સોનિયાના સમર્થનમાં પાર્ટી સ્થળે જગ્યાએ કરશે વિરોધ 
• કોંગ્રેસે ટ્વીટ કરીને વિરોધ કર્યો હતો

રાહુલ ગાંધી બાદ એન્ફોર્સમેન્ટ ડિરેક્ટોરેટ (ED)ની ટીમ આજે સોનિયા ગાંધીની પૂછપરછ કરશે. કોંગ્રેસના નેતાઓ પર છેતરપિંડી અને નાણાંની ગેરઉપયોગ દ્વારા ખોટમાં ચાલી રહેલા નેશનલ હેરાલ્ડ અખબારને હડપ કરવાનો આરોપ છે. ઉલ્લેખનીય છે કે, સોનિયા ગાંધી સવારે 11.30 વાગ્યે ઘરેથી નીકળીને 11.45 વાગ્યે ED ઓફિસ પહોંચશે.નેશનલ હેરાલ્ડ અખબાર સાથે જોડાયેલા મની લોન્ડરિંગ કેસમાં કોંગ્રેસ અધ્યક્ષ સોનિયા ગાંધીની પૂછપરછ કરશે.

સ્વાસ્થ્યને લઈ સોનિયા ગાંધીને એન્ફોર્સમેન્ટ ડિરેક્ટોરેટ તરફથી વિશેષ છૂટ મળી

સ્વાસ્થ્યને ધ્યાનમાં રાખીને સોનિયા ગાંધીને એન્ફોર્સમેન્ટ ડિરેક્ટોરેટ તરફથી વિશેષ છૂટ મળી છે. આવશ્યક દવાઓ લેવા માટે સમયાંતરે વિરામ આપવામાં આવશે. રાહુલ અને પ્રિયંકા ગાંધી ED ઓફિસ સુધી સોનિયાને છોડવા જઈ શકે છે. હવે નેશનલ હેરાલ્ડ કેસમાં શું થયું તે સમજો.

National Herald case: Sonia Gandhi to appear before ED today, Cong to hold nationwide protest

Read @ANI Story | https://t.co/GiDB7l34Nh#NationalHeraldcase #SoniaGandhi #nationwideprotest #congressprotest pic.twitter.com/34TIMx3LNA

— ANI Digital (@ani_digital) July 21, 2022

અત્યાર સુધી શું થયું?

- 1 નવેમ્બર 2012ના રોજ ભાજપના નેતા સુબ્રમણ્યમ સ્વામીએ કેસ દાખલ કર્યો હતો.
- 26 જૂન 2014ના રોજ કોર્ટે સોનિયા ગાંધી, રાહુલ ગાંધી સહિત તમામ આરોપીઓ સામે સમન્સ જારી કર્યા હતા.
- 1 ઓગસ્ટ, 2014ના રોજ એન્ફોર્સમેન્ટ ડિરેક્ટોરેટે કેસ નોંધ્યો હતો.
- 19 ડિસેમ્બર 2015ના રોજ તમામ આરોપીઓને દિલ્હીની પટિયાલા હાઉસ કોર્ટમાંથી જામીન મળ્યા હતા.
- વર્ષ 2016 સુપ્રીમ કોર્ટે કોંગ્રેસના નેતાઓ સામેની કાર્યવાહીને રદ કરવાનો ઇનકાર કર્યો.
- સપ્ટેમ્બર 2018માં દિલ્હી હાઈકોર્ટે ઈન્કમ ટેક્સ વિભાગની નોટિસ વિરુદ્ધ સોનિયા અને રાહુલ દ્વારા દાખલ કરવામાં આવેલી અરજીને ફગાવી દીધી હતી.
- 2 જૂને સોનિયાની પૂછપરછ માટે સમન્સ જારી કરવામાં આવ્યું હતું.
- રાહુલ ગાંધીની લગભગ 50 કલાક સુધી પૂછપરછ કરવામાં આવી. સોનિયા ગાંધીની આજે પૂછપરછ થશે. સોનિયા 8 જૂને ED સમક્ષ હાજર થવાની હતી. પરંતુ નાદુરસ્ત તબિયતના કારણે હાજર થઈ શક્યા ન હતા. જ્યારે ED સોનિયા ગાંધીની પૂછપરછ કરવાની તૈયારી કરી રહ્યું છે, ત્યારે કોંગ્રેસના નેતાઓ અને કાર્યકરો સોનિયા સાથે એકતા દર્શાવવા માટે રસ્તા પર ઉતરશે. કોંગ્રેસનું પ્રદર્શન ત્રણ મોરચે રહેશે. જેમાં કોંગ્રેસના સાંસદો સંસદ ભવન બહાર ગાંધી પ્રતિમા પાસે વિરોધ પ્રદર્શન કરશે. નેતાઓ અને કાર્યકરો કોંગ્રેસ હેડક્વાર્ટરથી ED ઓફિસ સુધી કૂચ કરશે. જ્યારે કોંગ્રેસના કાર્યકરો વિવિધ રાજ્યોમાં વિરોધ પ્રદર્શન કરશે 

आज पूरा देश मोदी सरकार का राजनैतिक प्रतिशोध, तानाशाही और गुंडागर्दी देख रहा है। पर ED-CBI जैसी कठपुतलियों से हम नहीं डरते।

श्री @kharge के निवास पर कांग्रेस अध्यक्ष श्रीमती सोनिया गांधी जी के ख़िलाफ़ ED के दुरुपयोग के विरोध में वरिष्ठ नेताओं ने रणनीति तय की। pic.twitter.com/fHLol2MqEm

— Congress (@INCIndia) July 20, 2022

કોંગ્રેસે ટ્વીટ કરીને વિરોધ કર્યો હતો

કોંગ્રેસના મહાસચિવ જયરામ રમેશે ટ્વીટ કર્યું છે કે કોંગ્રેસ પાર્ટી તેના નેતા સોનિયા ગાંધી સાથે જે રીતે મોદી-શાહની જોડી દ્વારા આપણા ટોચના નેતૃત્વ સામે રાજકીય બદલો લેવાનું ચાલુ છે તેની સામે સામૂહિક એકતા વ્યક્ત કરીને દેશભરમાં પ્રદર્શન કરશે.તેથી દિલ્હી પોલીસે સંપૂર્ણ તૈયારી કરી લીધી છે. સોનિયા ગાંધીની પૂછપરછને ધ્યાનમાં રાખીને દિલ્હીની સુરક્ષા વધારી દેવામાં આવી હતી. કોઈપણ પરિસ્થિતિને પહોંચી વળવા માટે જગ્યાએ બેરિકેડિંગ કરવામાં આવ્યું છે.

આજે ગુજરાત કોંગ્રેસ ED સામે ધારણા પ્રદર્શન કરશે

 એન્ફોર્સમેન્ટ ડિરેક્ટોરેટ (ED)ની ટીમ સોનિયા ગાંધીને આજે EDની ઓફિસમાં હાજર રહેવા સમન્સ અપાયું છે. ત્યારે સોનિયા ગાંધીને EDએ આપેલા સમન્સના વિરોધમાં આજે ગુજરાત કોંગ્રેસ કરશે ધરણા કરશે. ગુજરાત કોંગ્રેસના સભ્યો અમદાવાદના નેહરુબ્રીજના છેડે બપોરે 1 વાગે ગુજરાત જગદીશ ઠાકોરની આગેવાનીમાં ધરણા પ્રદર્શન કરશે. જેમાં ગુજરાત કોંગ્રેસના આગેવાનો અને કાર્યકરો હાજર રહેશે