અમેરિકા / ફ્લોરિડાનાં જજ બનનાર અનુરાગ સિંઘલ પ્રથમ ભારતીય, એક સમયે હતાં રક્ષા વિભાગનાં એટોર્ની

જ્યૂડિશિયરી કમિટી બુધવારનાં જજોનાં નામ પર નિર્ણય કરશે
સિંઘલ ફ્લોરિડા (florida) માં આ પદ માટે નિયુક્ત થનારા પ્રથમ ભારતીય છે. સીનેટની જ્યૂડિશિયરી કમિટી દ્વારા જજનાં નામોની પુષ્ટિ બુધવારનાં રોજ થનારી છે. તેઓ 2011થી ફ્લોરિડામાં 17માં સર્કિટ કોર્ટમાં કાર્યરત છે.

સિંઘલે રાઇસ યુનિવર્સિટીથી ગ્રેજ્યુએશન કર્યુ છે. તેઓએ વેક ફોરેસ્ટ યુનિવર્સિટીથી કાયદાનો અભ્યાસ કર્યો છે. પોતાનાં કેરિયરની શરૂઆતમાં સિંઘલે રાજ્ય એટોર્ની ઓફિસમાં પ્રોસિક્યૂટરનાં રૂપમાં કામ કર્યુ.

સિંઘલનાં માતા-પિતા પણ 1960માં ગયા હતા અમેરિકા
અનુરાગ સિંઘલ (Anuraag singhal) દશકાઓ સુધી રક્ષા વિભાગનાં પણ વકીલ રહ્યાં. તેમનાં માતા-પિતા 1960માં અમેરિકા (America) ચાલ્યા ગયા હતાં. તેમનાં પિતા અલીગઢનાં હતાં અને તેઓ શોધ વૈજ્ઞાનિક હતાં. તેમની માતા દહેરાદૂનથી હતાં.

આ પહેલાં ટ્રમ્પે કેલિફોર્નિયામાં અમેરિકી ડિસ્ટ્રિક્ટ કોર્ટ માટે ફેડરલ જજનાં પદ પર ભારતીય મૂળની અમેરિકી એટોર્ની શિરીન મૈથ્યૂજને નિયુક્ત કર્યા હતાં. એશિયાઇ-અમેરિકી સંસ્થા નેશનલ એશિયન પેસિફિક અમેરિકન બાર એસોસિએશન (એનએપીએબીએ) એ આ માટે ટ્રમ્પની પ્રશંસા કરી હતી.

NAPABA એ કહ્યું હતું કે, જો તેમનાં નામ પર સહમતિ બને છે તો તેઓ એશિયા-પેસિફિક ક્ષેત્રની પ્રથમ મહિલા હશે, જે આ પદ પર યોગ્ય હશે. આ સાથે જ તેઓ પ્રથમ ભારતીય-અમેરિકી હશે કે જે આર્ટિકલ થર્ડ ફેડરલ જજ બનશે.