ઝટકો / હોળી પહેલાં જ ફૂટ્યો મોંઘવારીનો બોમ્બ: દેશના આ રાજ્યમાં વધ્યા LPG અને કોમર્શિયલ સિલિન્ડરના ભાવ, જાણો નવો રેટ

• મહિનાના પહેલા દિવસે મધ્યમ વર્ગને ઝટકો
• LPG સિલિન્ડરની કિંમતમાં થયો વધારો
• ઘરેલુ LPG સિલિન્ડરની કિંમતમાં રૂ.50નો વધારો 
• કોમર્શિયલ સિલિન્ડરની કિંમતમાં રૂ.350.50નો વધારો 

માર્ચના પ્રથમ દિવસે જ મોંઘવારીને મોટો ફટકો પડ્યો છે. મહિનાના પહેલા દિવસે જ ઘરેલુ એલપીજી સિલિન્ડરની કિંમતમાં 50 રૂપિયાનો વધારો થયો છે. હવે દિલ્હીમાં ઘરેલુ એલપીજી સિલિન્ડર 1103 રૂપિયાનો થઈ ગયો છે. હોળી પહેલા આને મોટો ઝટકો માનવામાં આવી રહ્યો છે.

ભાવ વધારો આજથી લાગુ
ન્યૂઝ એજન્સી ANI અનુસાર, 14.2 કિલોના ઘરેલુ એલપીજી સિલિન્ડરની કિંમતમાં 50 રૂપિયાનો વધારો થયો છે. જ્યારે 19 કિલોના કોમર્શિયલ સિલિન્ડરની કિંમતમાં 350.50 રૂપિયાનો વધારો કરવામાં આવ્યો છે. દિલ્હીમાં હવે 19 કિલોનો કોમર્શિયલ સિલિન્ડર 2119.50 રૂપિયામાં મળશે. જ્યારે ઘરેલુ એલપીજી સિલિન્ડર 1103 રૂપિયાનો થઈ ગયો છે. વધેલા ભાવ આજથી જ લાગુ થઈ ગયા છે. 

Domestic LPG Cylinder 14.2 kg prices increased by Rs 50/. Domestic LPG cylinder price increased to Rs 1103/ in Delhi: sources

— ANI (@ANI) March 1, 2023

એલપીજીની કિંમતો વધી
એલપીજી, એલપીજી સિલિન્ડર, સીએનજી અને પીએનજીની કિંમતો દર મહિનાની પહેલી તારીખે નક્કી કરવામાં આવે છે. ગત વખતે 1 ફેબ્રુઆરીએ કંપનીઓએ ઘરેલુ એલપીજી સિલિન્ડરના ભાવમાં વધારો કર્યો ન હતો. પરંતુ આ વખતે તહેવારોની સીઝન દરમિયાન જ ગેસ સિલિન્ડરના ભાવમાં વધારો કરવામાં આવ્યો છે. આજથી ઘરેલુ એલપીજી સિલિન્ડરના ભાવમાં રુપિયા 50નો વધારો થયો છે તો કોમર્શિયલ ગેસ સિલિન્ડરના ભાવમાં 350 રુપિયાનો વધારો કરવામાં આવ્યો છે.

ક્યાં કેટલામાં મળશે ઘરેલું સિલિન્ડર?
દિલ્હીમાં પહેલા જે ગેસ સિલિન્ડર 1053 રૂપિયનો મળતો હતો, તેમાં હવે વધારો થયો છે. આ ગેસ સિલિન્ડર હવે રૂ.1103માં મળશે. આ સાથે મુંબઈમાં ઘરેલું ગેસ સિલિન્ડરનો ભાવ 1052.50 રૂપિયાથી વધીને 1102.5 રૂપિયા પર પહોંચી ગયો છે. કોલકાતાની વાત કરીએ તો અહીં ઘરેલું ગેસ સિલિન્ડર 1129 રૂપિયામાં મળી રહ્યો છે. આ પહેલા અહીં ઘરેલું ગેસ સિલિન્ડર રૂ.1079માં મળતો હતો. તો ચેન્નાઈમાં ઘરેલું ગેસ સિલિન્ડરની કિંમત 1068.50થી વધીને 1118.5 રૂપિયા પર પહોંચી ચૂકી છે.